Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Tik-tok желісінде қыз жасауына 12 түрлі тон әкелген құдалардың видеосы талқыға түсті. Құдалық кезінде қыздың төркіні жасауды ашып, таныстырады деп жазады KAZ.NUR.KZ тілшісі.

Видеода Әмина есімді бойжеткеннің келін боп түсіп жатқаны айтылады. «Әминаның өз таңдауымен, арнайы тапсырыспен алынған тон, түс-түсімен киіп жүреді жарқырап. 12 жағалы киімі бар.

Тедди, бұлғын терісінен, қаракүзен терісінен жасалған тондар. Астанада аппақ болып киініп, қыдырып жүреді жігітімен», — деп көрсетеді тондарды құдалыққа қатысушы әйелдер.

 
 
 
 
 
Посмотреть эту публикацию в Instagram
 
 
 
 
 
 
 
 
 
 
 

Публикация от Қазақстан жұлдыздары (@qaz.stars)

Әр тонмен жеке-жеке киетін 12 бас киімі де бар болып шықты. Құдалықтың видеосын көргендер екіұдай пікір білдіруде.

«Мен мұндайға қарсымын, күйеуге шықты ма, күйеу бала әйелінің барлық затын алып беруі керек», «Киім көрсету дәстүрін мүлде алып тастау керек, кімге қызық біреудің киімі», «Немене, халаттың орнына шуба киіп жүре ме?»,» Бұл не сұмдық, 1 тон жетпей ме? Мақтаныш па бұл? Одан да төсек-орын, ыдыстарын апар. Елге соны көрсет. Қыздарыңыз бақытты болсын», — дейді қыз төркінін сынаған желі қолданушылары. Алайда пікір білдірушілер арасында қыз жасауын асырып әкелген құдаларды қолдаушылар да табылды. «Жұрт не десе, о десін, маған ұнады. Әке-анаңа рахмет. Көре алмағандар тұз жаласын», «Не жұмыстарың бар, киетін өзі. Қайта өз қыздарыңа осылай әпере алатындай дәрежеге жетіңдер бұйырса», «Қандай қыз болса да, бақытты қыз екен. Бақытты болыңдар, үстіңде тозсын. Киімдерің әдемі екен», «Әкелген соң осылай әкелу керек, құтты болсын», — дейді видео кейіпкерлерін жақтаған жұрт.

kaz.nur.kz

 

Рубрика: