Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Денсаулық сақтау министрі Ажар Ғиният омикрон штамының табылуына байланысты эпидемиологиялық жағдайға болжам жасады, деп хабарлайды Stan.kz ақпарат агенттігі. 

Министрлік омикрон штамының анықталуына және вирус жұқтырғандардың көбеюіне байланысты коронавирус инфекциясы бойынша эпидемиологиялық жағдайға болжам жасады.

«Оптимистік сценарий кезінде ревакцинациямен 100% қамтылғанда және профилактика шараларын жаппай сақтағанда, тәулігіне 17 мыңнан астам жағдай тіркелуі мүмкін. Реалистік сценарийге сәйкес, ревакцинациямен 70%-ке дейін қамтылғанда, профилактика шараларын ішінара сақтағанда, тәулігіне 25,5 мың жағдайға дейін тіркеледі», – деді Ғиният үкімет отырысында.

Ал пессимистік сценарий кезінде – ревакциналаумен 40% қамтылғанда, профилактика шараларын сақтамаса, тәулігіне 40 мың адам індетке шалдығады деген болжам бар.

Осыған байланысты министр қазақстандықтарға халық көп жиналатын орындарға бармауға, ұжымдық шараларды өткізбеуге және оларға қатыспауға кеңес берді. Қоғамдық орындарда, көшеде маска тағу қажеттігін ескертті.

Сонымен қатар ол вакцина және ревакцина жасауға шақырды.

 

Рубрика: