АЛТЫНОРДА
Новости Казахстана

[:kz]Қызылордада үш жасар бүлдіршін жалғыз өзі пойызға отырып, жолға шығып кеткен[:]

[:kz]

Қызылордада үш жасар бүлдіршін жалғыз өзі Алматы-Ақтөбе бағытындағы пойызға отырып, жолға шыққан. Билетсіз жолаушыны полицейлер тек ата-анасының арыздануымен іздестіріп, қаладан 80 шақырым жердегі станциядан түсіріп алыпты, деп хабарлайды Stan.kz ақпарт агенттігі «Информбюро» бағдарламасына сілтеме жасап. 

3 жастағы бүлдіршінді сол күні әжесі вокзал маңындағы саябаққа ойнату үшін әкелген екен. Ал вокзалға пойыз келгендегі абыр-сабыр кезінде қария немересін жоғалтып алған. 

Ата-анасы полицейлерге шағымданған соң баланың өз бетінше пойызға мініп кеткені белгілі болды. 

«Жалаңаш станциясынан пойыз тоқтатылып, оныншы вагоннан бала түсірілді. Сонымен қатар, ата-анасына ешқандай жарақатсыз табысталды, қазіргі уақытта бала отбасымен бірге», — деді Қызылорда стансасындағы жергілікті полиция бөлімшесі бастығының міндетін атқарушы Серік Тоқтыбаев.

[:]