АЛТЫНОРДА
Новости

Бірлік пен ізгіліктің мерекесі

Себезгі нұрға шомылып тұрған әсем қала тұрғындарын мерекемен құттықтаған Мемлекет басшысы Нұрсұлтан Назарбаев алматылықтарға бірлік пен ынтымақ, ізгілік пен молшылық тіледі.

 

Қазақстанның бүгінгі жеткен же­тістіктерінің бәрі осы бірлік пен ынты­мақтың арқасында қол жеткі­зілге­­ні­­не баса тоқталған Елбасы бүгінде еліміз жан басына шаққандағы ішкі жалпы өнім көлемі бойынша 12,5 мың доллар­дан айналатынын айтты. Бұл біздің елі­міздің Оңтүстік Азия «жолбарыстары­­мен» және Еуропаның шығыс және оң­түстік-шығыс елдерімен теңескенін көрсетеді.

«Бұл жетістік біздің халқымыздың ежелден-ақ ынтымақ пен бірлікке аса мән беретін ұлттық қасиеттерінің ар­қасында келді. Бүгінде орта білім мен денсаулық сақтау тегін. Адамдардың өмірінің ұзақтығы 64-тен 70 жасқа дейін өсті. Ең бастысы – елімізде осы уақытқа дейін болмаған ұлттық мем­ле­кет құрылды. Жаңа экономиканы құ­рып, тоталитарлықтан либералдық жүйеге көштік. Елбасы Наурыз біздің көпұлтты еліміз атап өтетін ежелгі мере­ке екеніне назар аударта келе, адал ең­бек, берік те үл­кен отбасы, жасы үл­кенге құр­мет, кішіге ізет, өзге мәде­ниетті ілтипатпен құшақ жая қа­былдай білу қазақстандықтардың ай­ны­­мас асыл құндылықтары бо­­лып қа­ла беруінің маңызы зор еке­ні­не тоқталды.

Наурыздың күн мен түн теңелеті­нін, күн ұзара бастайтынын білдіре­тін символдық мәні бар. Президент Қа­зақстанның қа­зір дәл сондай тарихи кезеңде тұрғанды­ғын атап көрсетті. Еліміз қилы кезеңдерді еңсере отырып, мықты әрі қуатты мем­лекетке айнал­ды. Нұрсұлтан Назар­баев қол жеткен табыстарға қарамастан, елі­міз бір орын­да тұрып қалмағанын, одан әрі даму­да екенін және алдына жаңа міндет­тер қойғанын атап өтті.

– Біз 2050 жылға дейінгі даму бағ­дарламасын қабылдадық. Біздің мақ­сатымыз – әлемнің жетекші 30 елінің қатарына кіру. Біз алдымызға өте батыл мақсаттар қойдық. Ол қыруар жұ­мыс­ты, үлкен қажыр-қайратты талап етеді.

Біз барша қазақстандықтардың жақ­сы өмір сүруі үшін ұзақ мерзімді даму жолын саналы түрде таңдадық, – деді Қазақстан Президенті. «Наурыз ықы­­лым заманнан бері ел­дің жадында қалған.

Ол Тәуелсіздігіміз­бен бірге қайта орал­ған тамаша мере­­ке болып санала­ды.

Бүгінгі күнді біз­дің бабаларымыз Ұлыс­тың ұлы күні, алыс­ты жақындатып, жақынмен қауышып, болашаққа ұмты­латын кез деп сана­­ған» деді Қазақстан Президенті.

«Халқымыздың тұңғыш рет өзіміз таңдаған елордасы – Астананы салдық, Алматыны көркейттік, тұңғыш метро­ны салдық, жаңа ғимараттар салы­нып жатыр. Көшеге қарасақ, бұрын 20 жылда болмаған жағдайларды көре­міз. Көше толған машина. Бір жағынан, оның қиыншылықтары бар шығар, екінші жағынан, халықтың әл-ауқа­тын білдіре­ді. Балаларымыз дүниежүзі­нің қай же­рінде оқимын десе оқи­ды. Халқымыз дүниежүзінің қай жері­не барып демала­­мын десе  демалады» деп атап өтті Нұрсұл­тан Назарбаев.

«Баршаларыңызды көктемнің жа­дыраған мерекесі, еліміздің салт-дәс­түрі сақталған Наурыз мерекесімен шын жүректен құттықтаймын. Мереке құтты болсын, ағайын. Еліміз аман, жұртымыз тыныш болсын. Әр жанұя­ға бақыт, жарық тілеймін!» деді Пре­зидент.

 

 

Алма МҰХАМЕДЖАНОВА

 

http://www.aikyn.kz