Негізі айт мейрамында кем дегенде жеті үйге кіріп, дәм ауыз тию керек дегенді естіп едім. Бұл қаншалықты рас?
Медет, Ақтау қаласы
Бұл туралы әркім әрқалай айтып жүр. Біреулер: «айт кезінде жеті үйге кіру керек» десе, енді біреулер: «қырық үйге немесе жетпіс үйге айттап кіру керек», – дегенді алға тартады. Бірақ дінімізде, шариғатымызда «нақты мұнша үйге айттау керек» деген міндет жоқ.
Жалпы отыз күнгі ораза мұсылмандарды тақуалыққа баулыса, айт күнгі қуаныш күйбең тіршіліктегі өкпе-назды ұмыттырып, мұсылмандардың бауырмалдығын күшейте түседі. Олай болса, отыз күнгі оразамен халқымыз тақуалыққа бой ұрып, тектілік тұғырына көтерілсін!
Ораза айт мерекесімен ұлтымыздың мерейі тасып, бірлігі мен тірлігі арта берсін деп тілейміз!
http://alashainasy.kz/din_islam/52646/
