АЛТЫНОРДА
Жаңалықтар

[:kz]«Жалайыр руынанбыз»: Бозымбаев Тоқаевпен туыстық қатынасы туралы сұраққа жауап берді[:]

[:kz]

 

Алматы облысының әкімі Baitassov live YouTube-арнасына берген сұхбатында Президентпен және Қайрат Сатыбалдымен туыстық қатынасы туралы сұраққа жауап берді деп хабарлады turkystan.kz stan.kz-ке сілтеме жасап.

Бозымбаевтың айтуынша, оның Сатыбалды тегімен жалғыз байланысы – қайын атасының есімінің Сатыбалды болуы.

«Мен күлемін, өйткені, бұл – таза өтірік әңгіме. Менің Сатыбалды есімді адамдарға ешқандай қатысым жоқ. Бірақ менің қайынатам, яғни, менің жұбайымның әкесінің аты – Сатыбалды. Оның тегі басқа – Серікбаев. Беделді адам. Биыл 75 жасқа толады. Оның да оларға еш қатысы жоқ», – деді әкім.

Сондай-ақ, Бозымбаев соңғы уақытта оның Президентпен туыстық қатынасы туралы мәселе туындап жатқанын, оны Тоқаевтың жиені дейтіндердің көбейгенін жеткізді.

Алайда, әкімнің айтуынша, бұл олай емес, оларды тек қызметтік қатынас қана байланыстырады.

«Бұл да фейк. Жалған сөз. Онымен де ешқандай туыстық байланысым жоқ. Жетісудағы ру-тайпаның құрылымын білетіндер, бұлай емес екенін нақты түсінеді. Өкінішке орай, бұны барлығы түсіне бермейді. Біз тек жалайыр руынан шыққанбыз. Руға әртүрлі бағалаулар бойынша 300 немесе 700 мың адам кіреді. Егер осылардың барлығы туыс болса, онда туыс болғанымыз. Ал былайша ешқандай туыстық қарым-қатынасымыз жоқ. Мен Қасым-Жомарт Кемелұлымен жақсы қарым-қатынастамын. Бірақ қызмет бабы бойынша ғана», – деп түйіндеді ол.

[:]