[:kz]
Мемлекет басшысы Қасым-Жомарт Тоқаев Ресей елінде өтіп жатқан әлем біріншілігінде жеңіске жеткен Бекзат Нұрдәулетовті құттықтады, деп хабарлайды Stan.kz ақпарат агенттігі.
«Бекзат Нұрдәулетовті Екатеринбургте өткен бокстан Әлем Чемпионатында көрсеткен керемет өнерімен құттықтаймын. Ол бокстың жарқын үлгісін көрсетті. Спортта Бекзат зор табысқа жетеді деп сенемін. Токио Олимпиадасында Бекзатқа жеңіс тілеймін! Тек қана алға!» — деп жазды президент өзінің Twitter парақшасында.
Естеріңізге сала кетсек, осы уақытқа дейін Бекзат Нұрдәулетовтің төрт бірдей қарсыласын нокдаунға жібергені туралы хабарлаған едік. Сондай-ақ, ол өз жеңісін қазақ еліне арнайтынын айтты.
[:]
