АЛТЫНОРДА
Новости Казахстана

[:kz]Назарбаев Ақордадан көшеді[:]

[:kz]

Қазақстанның тұңғыш президенті Нұрсұлтан Назарбаев енді Ақордада жұмыс істемейді.

Бұрынғы президентінің жұмыс орны бұдан былай «Назарбаев Орталығында» болады. Бұл туралы tengrinews.kz сайты Тұңғыш Президент кеңсесінің жетекшісі Махмұд Қасымбекке сілтеме жасап хабарлады. Айта кету керек, Нұрсұлтан Назарбаевтың құжаттық жұмыстарын реттеумен айналысатын бұл кеңсе тек тұңғыш президенттің алдында ғана есеп береді.

Президенттік мандатын өткізіп бергенмен, Нұрсұлтан Назарбаев Қауіпсіздік кеңесінің; «Нұр Отан» партиясының төрағасы және Конституциялық кеңестің мүшесі.

Назарбаевтың ендігі жұмыс орны саналатын «Назарбаев Орталығы» – ғылыми-зерттеу, гуманитарлық және оқытумен айналысатын көпқырлы мекеме. Астана қаласындағы Бөкейханов көшесінде орналасқан бұл ғимарат – Қазақстан астанасының көрнекі орындарының бірі саналады.

Естеріңізге сала кетсек, кеше, 19-наурыз күні тұңғыш президент Нұрсұлтан Назарбаев өзінің президенттік өкілеттілігін тоқтату туралы мәлімдеме жасаған.

tengrinews.kz 

 

 

[:]