13 октября, 2015 Comments Off on ОҚО-ДА БҮГІНГІ КҮНГЕ 10 МЫҢ ТОННАҒА ЖУЫҚ КҮРІШ ӨНІМІ ЖИНАЛДЫ

ОҚО-ДА БҮГІНГІ КҮНГЕ 10 МЫҢ ТОННАҒА ЖУЫҚ КҮРІШ ӨНІМІ ЖИНАЛДЫ

chem-polezen-risОңтүстік Қазақстан облысында күріш шаруашылығы қарқынды дамып келеді. Өңір диқандары соңғы жылдары күріштен жақсы өнім алуда. Бүгінгі күні облыс бойынша күріш ору жұмыстары қарқынды жүріп жатыр. Биыл ОҚО бойынша 3990 гектар алқапқа  күріш дәні себілді. Оның бүгінде 1700 гектар алқабы жиналып, жалпы түсімділігі гектарына 58 центнер өнімді құрап отыр. Ал жалпы  алынған өнім көлемі – 9800 тонна. Облысымызда күріш егінімен  Мақтарал және Шардара аудандары айналысады. Соның ішінде Мақтарал ауданында 2580 гектар алқапқа күріш егілген. Қазіргі таңда өнімнің 900 гектары жиналған, яғни әр гектардан 56 центнер күріш алынды. Бүгінгі таңда  Мақтарал ауданы бойынша жалпы алынған өнім көлемі  5040 тоннаны құрайды. Ал, Шардара ауданында 1410 гектар алқапқа  күріш  егіліп, бүгінге 800 гектар алқабы жиналды. Жалпы өнімнің түсімділігі әр гектардан 60 центнерді құрайды. Мұнда күріш алқабынан 4800 тонна өнім жиналды.

ОҚО әкімінің баспасөз қызметі

 

Загрузка...

Комментирование закрыто.