07 сентября, 2015 25 комментариев

Атыраудағы флешмобта бензин бағасы сөз болды

B4656BCA-268A-46B9-8F96-C514FF907CC8_w268_r1Бүгін Атырау қаласының орталығындағы Исатай-Махамбет алаңына жиналған жергілікті бірнеше белсенді мен тұрғындар бензин бағасының көтерілуіне қатысты ойларымен бөлісті.

Өздері «флэшмоб» деп атаған басқосуда Қазақстанда бензин бағасының қымбаттауы жұрттың түсінбеушілігін тудырып отырғанын айтты. Атыраулық белсенді Талғат Аян әлемдік нарықта мұнай бағасы арзандап жатқан кезде елде бензин бағасының неліктен қымбаттағанын билік түсіндіруі керек деп санайды.

– Бензин бағасының қымбаттауына наразылық әркімде бар. Бірақ оны ашық білдіруге көбінің батылы бармайды. Бұл флешмоб мақсаты – адамдарға өз талаптарын ашық қоя білуден қорықпау керектігін көрсету, – дейді ол.

Жарты сағатқа созылған флешмобқа қатысушылардың бірі – жергілікті белсенді Макс Боқаев мұнай шикізатына бай облыста тұрғындардың әлеуметтік, экономикалық жағдайы нашарлап бара жатқанын айтады.

– Аймақтағы қоршаған орта проблемасы, судың сапасы, оның тарифінің өсуі тұрғындарды тығырыққа тіреді, – дейді ол.

Ол осы мәселелер толғандырған жергілікті белсенділердің Атырау қаласы әкімінен 20 қыркүйекте митинг өткізуге рұқсат сұрап тамыздың 4-інде жазған өтінішке әлі жауап ала алмай отырғандарын айтты.

Қыркүйектің 4-і күні Қазақстан үкіметі ішкі нарықта бөлшек саудада АИ-92/93 маркалы бензин бағасын мемлекеттік реттеу саясатынан бас тартатынын жариялаған соң іле-шала елдегі жанармай сату бекеттерінде бензиннің аталған маркаларының бір литрінің бағасы 108 теңгеден 128-130 теңгеге дейін қымбаттап кеткен еді.

Сәния ТОЙКЕН

http://www.azattyq.org/

Сурет http://www.azattyq.org сайтынан алынды

Загрузка...

(25) Комментарии

  1. Айғаным says:

    Биліктегілер түсіндіріп өткен жоқ па? Жанармай қорының тапшылығының алдын алу деп. Сондай-ақ, Ресейден сатып алынатын май бағамы өскен. Сол үшін де бізде баға артып отыр.

  2. Айғаным says:

    Айта кеткім келеді, Ресейден алатын май көлемі 30 пайызды құраса керек.

  3. Жандос says:

    Бензин бағасын айта бергенше, неге біздің халық еңбектенбейді.

  4. Жания says:

    Меніңше істейтін тірлігі жоқ, бекерші адамдар бұл жайытты созып әлі әңгіме етіп жүр.

  5. Айсулу says:

    НУ будет сложно, но кризис в экономике во всем мире, у нас еще не все так плохо. Осталось дождаться нового НПЗ и тогда сами сможем себя обеспечить бензином.

  6. Канат says:

    Халық бұрын қадағалау болмасын деуші еді, енді әлі күнге дейін әңгіме етіп жүргені қызық екен.

  7. наргиза says:

    Менин ойымша биз жаксылыкка жорамалдуымыз керек, юул ангимени догарып, ары карай жумысымызды жасауымыз дурыс.

  8. Галымжан says:

    Ағанйындар, экономикасы бізден әлде қайда құлдырап тұрған мемлекеттер бар. Сондықтан бар-жоғы шамалы көтерілген бағамға осылай байбаламды салып жатырсыздар. Өзгеге қарап шүкіршілік ет.

  9. Зарина says:

    Кейбір кісілер жайлы өмірге үйренсіп қалған секілді. Алайда, бұл өмір заңдылығы бірде мол, бірде аз дегендей. Сол үшін үнем үшін, ертеңгі күн үшін жасалып жатқан іс екенін мойындаған ләзім.

  10. Думан says:

    Елді толықтай маймен қамтамасыз ететін күнде алыс емес. Оған несіне қынжыласыздар.

  11. Аслан says:

    Қымбатшылық Қазақстанда ғана емес екенін түсінетін кез жетті.

  12. Алуа says:

    Осындайар ғой елді үркітетін. Билік барлығын да ескертіп айтып отыр. Теледидары бар, интернеті бар бәрі жарыса жазып жатқан жоқ па? Меніңше, ұқыпты әрі уақытылы ақпараттарды іздеп оқып отыру керек секілді.

  13. Дидар says:

    аздап уақыт өтсін. экономика бұл дүниедегі ең маңызды нәрсе емес. ең маңыздысы тыныш өмір.

  14. Дидар says:

    аздап уақыт өтсін. экономика бұл дүниедегі ең маңызды нәрсе емес. ең маңыздысы тыныш өмір.

  15. Алма says:

    ісіміз оңды болсын. ақша қолдың кірі. оны көрге алып кетпейміз. әрине, қазіргі жаңдай халыққа жеңіл тиіп жатқан жоқ. біреулердің қалтасы шыныменде кейбір бағаларды көтере алмауда. Сабыр сақтайық.

  16. Серик says:

    Кеше ғана Елбасымыз дәл осы мәселені сөз еткен! Жаңалықты бір уақыт қарау керек қой!

  17. Алма says:

    ісіміз оңды болсын. ақша қолдың кірі. оны көрге алып кетпейміз. әрине, қазіргі жаңдай халыққа жеңіл тиіп жатқан жоқ. біреулердің қалтасы шыныменде кейбір бағаларды көтере алмауда. не дегенмен де, мұның барлығы өтпелі.

  18. Бека says:

    Бүкіл әлемде орын алған тұрақсыздыққа төтеп беруге бағытталған еліміздің шаралары деп білем! Сондықтан біраз түсіністік танытып, шыдамды болайық ағайын!

  19. Даулет says:

    Барлығы жақсы болады деп сенемін, әркімнің өмірінде уақытша қиыншылықтар болады ғой, сол сияқты елімізде уақытша қиыншылықтан аман өтсін

  20. Лаура says:

    сауатымызды көтерейік. сонда мұндай орынсыз сұрақтар да туындамас еді. мұнай біздің елде болғанымен, зауыттарымыз жоқ. шетелге шикізат сатамыз, дайын өнімді сатып аламыз. сондықтан да қымбаттайды.

  21. Рауан says:

    байырлар, сабыр сақтайық. елімізге осындайда қолдау білдірмесек, бізді ішімізден іріткісі келетін сыртқы күштер көп, солар пайдаланып кетуі әбден мүмкін. ең үлкен байлығымыз – тәуелсіздігіміз. ең бастысы, аш-жалаңаш қалып жатқан жоқпыз, елге тыныштық берсін, ал дағдарыстың бәрінен өтеміз.

  22. Карла says:

    сол да “флешмоб” жасайтын сылтау ма? бұларға жұмыс істемесе болды.

  23. Жанат says:

    мұның бәрі уақытша деп түсінем. жалақылар көтеріледі деп отыр. қымбаттатуға мәжбүр болып отырмыз. әлемдік нарықтан экономикамызды бөліп ала алмаймыз ғой.

  24. Алихан says:

    Менімше жанармай кішкене көтерілгені ештенке етпейді жанармай тапшылығы орын алмаса болды.

  25. Саян says:

    Бәрі орнына келеді шыдамдылық болу керек ертенгі күні бәрі орынды болуы үшің.

Добавить комментарий

You must be logged in to post a comment.