[:kz]Ерекше стилімен көзге түскен аула сыпырушы атай Қазнетті тәнті етті (фото)[:]

Қостанайдағы әділет департаментінің аула сыпырушысы желі қолданушыларын өзінің ерекше стилімен тамсандырды. 60 жастағы Сергей Бош жас кезінен талғаммен киінуді ұнатады деп хабарлайды «Костанайские новости» басылымына сілтеме жасаған KAZ.NUR.KZ.

Сергей атай басылым редакциясына қала тұрғындарының бірі жіберген суреттен кейін танымал болған.

Басылым ерекше киінген атайдың фотосын әлеуметтік желіде жариялағаннан кейін, желідегілердің қызу талқысына түсіп, олар қарапайым аула сыпырушысының киіну стиліне тәнті болған.

60 жастағы тұрғын осы уақытқа дейін құрылыста да, темір шебері болып та, жұмыс істеп, тіпті бизнеспен де айналысқан. Ол бірнеше жыл Германияда тұрып, кейін ата-анасына сырқатына байланысты оларға қарайласу үшін елге қайтып келген.

Ал әке-шешесінің өлімінен кейін жалғыз өмір сүруде.