21 января, 2020 Comments Off on Димаш пен Крутойдың қызы туралы сыбыс тарады

Димаш пен Крутойдың қызы туралы сыбыс тарады

Димаш Құдайбергеннің Ресей мен Еуропадағы концерттік турының ұйымдастырушысы Хизри Байтазиев қазақстандық әнші мен ресейлік композитор арасындағы шығармашылық қатынастың үзілгені туралы тағы бір қауесетті жоққа шығарды.

Әлеуметтік желі мен бірқатар ақпарат басылымында 25 жастағы әнші Димаш Құдайберген мен композитор Игорь Крутой әріптестігін тоқтатады деген мәлімет жария болды.

Қарым-қатынастың үзілуіне әншінің ресейлік продюсердің асыранды қызы Викторияға көңіл білдіруі себеп болды делінген. Мәлімет бойынша, Игорь Крутой бұндай байланысқа қарсы екен.

Димаштың 2020 жылғы Ресей мен Еуропадағы концерттік турының ұйымдастырушысы Хизри Байтазиев түрлі бұқаралық ақпарат құралында тараған бұл мәліметті жоққа шығарды.

"Бұл жай ғана сыбыс емес, бұл сұмдық фейк, - деді Sputnik Қазақстанға Хизри Байтазиев. – Мен бұндай ақпаратты тарату кімге тиімді екенін білмеймін. Осыны ойлап шығарған адамдар ұялсын".


Биылғы ақпанда Димаш Ресейде үлкен концерттік турын бастайды. Бірінші концерт Краснодарда, одан кейін Қазан мен Екатеринбургте өтеді. Ұйымдастырушының айтуынша, бұл концерттер белгілінген уақытта өтеді.



"Ешкім ешкіммен ешқандай қатынасын үзген жоқ және үзгелі жатқан жоқ", - деп түсіндірді Байтазиев. – Біз жасайтын жобалар әлі көп".

Еске салсақ, Димаш Құдайберген мен Игорь Крутой қарым-қатынасының үзілгені туралы ақпарат алғаш рет бір апта бұрын – 13 ақпанда жария болды. Сол кезде бұны "ДимашАли" шығармашылық орталығы жоққа шығарған еді.


Әншінің өкілі Назым Жанғазинова "композитор Игорь Крутой мен Димаш Құдайберген арасында жылы шығармашылық әрі достық байланыс орнаған және ол бүгінге дейін жалғасып келеді" деді.

Оның айтуынша, 2020 жылы Игорь Крутой компаниясымен бірлесіп өткізуге жоспарланған концерттің бәрі кестеге сай өтеді.


sputnik 







Загрузка...

Комментирование закрыто.