[:kz]
Нұр-сұлтанда жоғалып кеткен бала Қостанай облысынан табылды.
Бұл туралы облыстық ІІД баспасөз қызметіне сілтеп Stan.kz хабарлайды.
«2019 жылдың 1 маусымында Ұзынкөл аудандық полиция бөлімінің аудандық полиция инспекторы Асылбек Молдағалиев операциялық-профилактикалық іс-шарасы кезінде баланы ерткен бейтаныс әйелді байқайды. Полиция қызметкері әйелдің кімге келгенін сұрай бастады. Әйел жауаптарынан шатасып, өзін басқа атымен таныстырды. Құжаттарды тексергенде, есімінің басқа екені белгілі болды. Баланың Нұр-Сұлтанда іздеуде тіркелгені анықталды», — делінген хабарламада.
Баланың анасы ата-ана құқығынан айырылған және баланы заңсыз алып кеткен екен. Полиция баланы әкесіне, заңды өкіліне табыстады.
[:]
