Әсел Асқар жүктілігіне қарамастан, ер адамдардың назарынан тыс қалып жүрген жоқ. Сылқым аруды бұрын артынан жүрген жігіт кешкі асқа шақырған. Бұл орайда Әсел жүктіліктің ауру емес екенін, мұндай жағдайда да жігіттерді қаратуға болатынын жеткізді, деп жазады Stan.kz.

“Біз, екіқабат әйелдер өзімізді есептен алып тастаймыз. Жүкті болсақ, еркектер байқамайды деп ойлаймыз. Бірақ жүктілік ауру емес. 
Әркімде жағдай әртүрлі. Ал өмір тоқтап қалған жоқ. Уақыт өтуде. Оны ешкім де кері қайтара алмайды.

Жақында өзімді бағалауым аспанға шарықтап кетті. Жай ғана қызығушылық пен нағыз ер адамның назарын ажырата аламын. 
Шындығында, осындай жағдайдың өзінде мен ер адамның назарынан кенде емеспін. Және де ол алғаш кездескен адам емес, бұрын артымнан жүрген жігіт.

Мені кешкі асқа шақырған жігіт өзімді қалай сезініп тұрғанымды сұрады. Өзі жақсы, қыздар қызығатындай жігіт. Бірден айтайын, ол шоу-бизнес әлемінен емес. 

Біліп жүріңіздер. Сізден жарық пен сексуалды энергия шығып тұрса, кез келген қалыпта ерлерді қызықтырасыз. Ешқандай жағдайға қарамастан”, – деді Әсел ағынан жарылып.

Сондай-ақ, блогер бұрынғы күйеуінің өкініп жүргенін жеткізді. 

“Иә, өте қатты өкінеді. Адам баласы бірдеңені жоғалтқанда ғана қадірлей бастайды.

4 айға созылған бұл жағдай оның өсуіне себеп болатынына қуаныштымын. Менің де өсуіме сеп болды, әрине”, – деді ол. 

Жақында әлеуметтік желіде Айбек шаңырағына өзге аруды әкеліп, әкесімен таныстырды деген ақпарат тарады. Әсел Асқардың бұған көзқарасы қандай?

“Солай болса, тек қуанамын. Мүмкін сол кезде әкесі батасын берер. Сол кезде өзім құйрығымды бұлаңдатып, 3-ші күйеу табармын. Әйтпесе бірден басқа қарым-қатынасқа өтуге ұятым жібермей жүрген. Ал жаным романтиканы қалайды”, – дейді блогер ару.

Рубрика: