21 мая, 2020 Comments Off on Әншілерге «майдай жаққан» карантин: Кенталдың қалыңдығы да жұп құрғандарын жария етті

Әншілерге «майдай жаққан» карантин: Кенталдың қалыңдығы да жұп құрғандарын жария етті

Шеттерінен карантинді пайдаланып, әлеуметтік желі арқылы жақынырақ білісіп отырған ба, әйтеуір, биылғы Рамазан айы қазақ әншілері үшін сүйіктілерімен шаңырақ көтеретін сәт болды. Бір айдың ішінде Мөлдір Әуелбекова, Алтынай Жорабаева, Талғат Кенжеболатов (Кентал) жұп құрып үлгерді, деп жазады Skifnews.kz ақпарат порталы.

Әуелбекова мен Жорабаеваның екінші мәрте тұрмыс құрып жатқанын айттық. Енді міне, әнші Кентал да өзінен 14 жас кіші сүйіктісімен шариғат бойынша неке қидырды. Яғни, қыз қазір 20 жаста, өзге ұлт өкілі.

Қуанышты хабарды Кенталдың Милана есімді жас қалыңдығы өзінің Instagram парақшасында бөліскен. Тіпті, ол карантин кезінде күйеуінің тегіне жазылып та үлгеріпті. Жеке парақшасында Милана Кенжеболатова болып тұр.

Еске сала кетсек, Кенталдың өзі бұған дейін сүйіктісі туралы тың мәлімет жариялап, жақын арада онымен отбасын құратынын мәлімдеген болатын. Осы бір уылжыған түрік қызын жар етіп отырған ол, қазақ қыздарының өзге ұлт өкіліне тұрмысқа шыққанын құптамайтынын да жеткізді.

 

Загрузка...

Комментирование закрыто.

2025d523818cd5cb