АЛТЫНОРДА
Новости Казахстана

[:kz]Ақтөбеде автобуста кондуктор мен жолаушы төбелесті (видео)[:]

[:kz]

Ақтөбеде 18 маусымда № 22 бағытында жүретін автобуста кондуктор мен жолаушы төбелесті «Мой ГОРОД».

Екі әйелдің айтуынша жанжал қайтарым ақша үшін болған.

Жолаушы жол ақысы ретінде 1000 теңге берген. Кондуктор оған 920 теңге қайтарған. Біраз уақыттан соң жолаушы әйел қалтасынан майда 80 теңге тауып, кондуктордан тұтас 1000 теңгені қайтаруын сұраған. Осы кезде әйелдер арасында жанжал шығып, төбелеске айналған.

Қоғамдық көлікте отырғандардың барлығы осыған куә болған және біреуі видеоға түсіріп те үлгерген.

Автопарк өкілдері осы жағдайға қатысты ішкі тексеру жүріп жатқанын мәлімдеді. Тексеру аяқталғанға дейін кондуктор жұмыстан шеттетіледі.

«Біз ешкімнің жағына шықпаймыз. Біз қоғамдық көлікте жанжал болмағанын қалаймыз. Кондуктормен сөйлестік. Ол бізде он жылдан бері жұмыс істеп келеді. Бұрындары оның атына ешқандай шағым түскен емес. Қандай жағдай болмасын адам өзін ұстауы керек. Оны жұмыстан шығару мәселесі қаралып жатқан жоқ. Тексеру жүріп жатыр», — деді «Автопарк» ЖШС заңгері Руслан Жылмақанов.

Тengrinews.kz

 

 

[:]