Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

 

Қырғызстан парламентінің депутаттары Аграрлық саясат, су ресурстары, экология және өңірлік даму комитетінің отырысында шенеуніктердің орыс тіліндегі баяндамасын тыңдаудан бас тартты. Бұл туралы 24.kg хабарлады, деп жазады KAZ.NUR.KZ. Басылымның хабарлауынша, халық қалаулылары Қырғызстанның салықтық емес кірістер туралы Кодексіне түзетулер жобасы туралы баяндаманы орыс тілінде тыңдауы керек болатын.

Алайда комитет басшысы Аманқан Кенжебаев баяндамаларды тек мемлекеттік тілде тыңдау туралы шешім қабылдағанын айтып, ресми тілде баяндама жасауға рұқсат бергісі келмеген.

«Біз қырғыз тілін дамыту мақсатында баяндамаларды тек мемлекеттік тілде тыңдау туралы шешім қабылдаған болатынбыз», – деді комитет басшысы Аманқан Кенжебаев. Оған депутат Жәнібек Қыдықбаев баяндама Қырғыз республикасының «салықтық емес кірістер туралы» Кодексіне енгізілген өзгерістерге қатысты екенін және салық төлеушілер арасында орыс тілінде сөйлейтіндер де барын атап өткен. Дегенмен, басылым мәлім еткендей, комитет басшысының баяндаманы сол кезде орыс тілінде, ал келесіде мемлекеттік тілде тыңдау туралы ұсынысы қолдау таппаған. «Бізді бүкіл республика тыңдайды. Олардың 80 пайызы қырғыз тілінде сөйлейді, 10 пайызы орыс тілінде сөйлеуі мүмкін. Көпшілікті сыйлау керек», – деді депутат Әлішер Қозуев оған жауап ретінде.

 

kaz.nur.kz

 

Рубрика: