АЛТЫНОРДА
Новости

Жұлдыздардың өсіп келе жатқан балалары

Ким Бейсингер мен Алек Болдуиннің қыздары – Айленд — сәнбике мәнсабын таңдаған. Мелани Гриффиттің қызы Дакота Джонсон танымал актриса және сәнбике. Ленни Кравицтің қызы Зои Кравиц те танымалдылығы жағынан кем түспейді, ол да актерлік мәнсапты таңдаған. Бірақ бұл жұлдыздардың балалары ғана танымал әрі табысты емес. Қазір жасөспірім болғанымен, уақыт зымырауда. Бәлкім көп ұзамай олар да есейіп, ата-аналарының үмітін ақтайтын дарынды жұлдыздарға айналар?

Ава Самбора (16 жаста), актриса Хизер Локлир мен рок әншісі Ричи Самбораның қызы.

Ава осы уақытқа дейін бірнеше картинаға түсіп үлгерген, бірақ көбіне екінші пландағы рөлдерді ойнайды. Сонымен қатар бойжеткен мектеп командасының черлидерінде өнер көрсетеді.

Ава анасы Хизерге ұқсағандығын анық байқауға болады.

Жұлдызды анасының тағы бір «көшірмесі» — Ава Филлипп (14 жаста)

Байқағандарыңыздай, бұл Риз Уизерспун мен Райна Филлипптің қызы.

Көп жұлдыздың балалары сияқты Ава папараццияның камераларына түсуді қаламайды.

Карсен Лиотта — актер Рэй Лиоттаның қызы.

Карсеннің түр келбеті анасы актриса Мишель Грейске ұқсаған. Бірақ әкесінің актерлік қабілеті қызына дариды деген үміттеміз.

Лив Фрейндлих (11 жаста). Лив — Барт Фрейндлих пен Джулианна Мурдың қызы.

Ливті қазірден анасы Джулианнамен салыстырады. Оның актриса болатын, не болмайтынын уақыт көрсетер, алайда мұндай сұлулықпен жерде қалмасы анық.

Атақты сәнбике Кейт Мосстың қызы – Лила Грейс Хэк (11 жаста)

Лиланың да анасының жолын қуып, сәнбике болуына толық негіз бар. Ол қазірден суретке керемет түседі.

Лили Мо Шин – 15 жаста. Кейт Бекинсейл мен актер Майкл Шиннің қызы.

Бұл қыз да анасынан аумай қалыпты.

Әдемі ата-аналардың балалары да әдемі. Бұл тұжырымды Лили Роуз Депп (14 жаста) дәлелделі. Джонни Депп пен Ванесса Парадидің қызы.

Элла Блю Траволта (13 жаста) — Джон Траволта мен Келли Престонның қызы.

Қыз әкесіне тартып кеткен екен.

Эмерсон Тени (17 жаста), Тери Хэтчер мен Джон Тенидің қызы. Өте әдемі ару!

Эмерсон — Тери Хэтчердің қолқанаты десек те болады. Олар әрдайым бірге жүруді қалайды.

Ноа Линдси Сайрус (14 жаста) — америкалық актриса, кантри әншісі Билли Рэй Сайрустың қызы, Майли Сайрустың сіңлісі.

Ноа әзірге өзін таппай жүрген сыңайлы. Біраз бойжетсе, талай жігіттің арманына айналары сөзсіз.

Актриса Фелисити Хаффманның қызы – София Мэйси (13 жаста)

Лурдес Леон – ең танымал бойжеткен бала. Өйткені оның анасы Мадоннаның өзі!

Майя Хоук – Ума Турман мен Итан Хоуктың 15 жастағы қызы.

Көпшілік оны анасының орнын басатын дарынды қыз дейді.

Кейт Уинслет пен Джим Триплтонның қызы — Миа Триплтон – 13 жаста.

Актриса Лесли Маннның үлкен қызы — Мод Апатоу (15 жаста)

Мод – актриса. Ол режиссер әкесі Джудд Апатоудың бірнеше фильміне түскен.

Сильвестр Сталлоне — көпбалалы әке. Оның соңғы некесінен балалары — София (1997 ж.т), Систин (1999 ж.т) және Скарлет (2002 ж.т)

Сильвестр сұлуларының арасында

Стелла Бандерас (17 жаста) — танымал голливудтық актерлер, Антонио Бандерас пен Мелани Гриффиттің қызы.

Үш жасында Стелла Меланимен және өгей әпкесімен Антонио Бандерастың Crazy in Alabama фильміне түскен. Бірақ бойжеткен ата-анасының жолын қуып, актриса болуды қаламайды екен. Оның арманы – Голливудта сценарист болу.

Дакота және Стелла

Уилл Смит пен Джада Пинкетт-Смиттің қызы — Уиллоу Смит (13 жаста). Уиллоу — өз бетінше жұлдыз. Бірақ қалай дегенмен, әкесінің де бұған ықпалы бар екені рас.

Кайа Джордан Гербер (13 жаста) — атақты сәнбике Синди Кроуфорд пен бизнесмен Рэнди Гербердің қызы.

Кайа Гербер 10 жасында Versace балалар топтамасының жарнамасына түскен. Әлбетте, ата-анасынан дарыған дарын қайда кетпек?

Түр келбеті жағынан да Кайа анасына қатты ұқсайды.

Сурет: vev.ru

Дайындаған: Анар Мұстафина

http://massaget.kz/madeniet/persona/17057