Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Бұл үстіміздегі жылдың желтоқсан айында шешілуі мүмкін. Өйткені Қа­ра­ғанды қаласында жыл сайын Ға­лым Жарылғапов атындағы дәстүрлі турнир өтеді. Ал бұл халықаралық жа­рысқа Қазақстанның еңбек сіңірген жат­тықтырушысы Нұрғазы Жарылға­пов Жан Клод Ван Даммды шақыр­мақ. Атақты Жарылғапов турниріне Жан Клод құрметті қонақ ретінде кел­мек. Алайда болашақ киноның сцена­рийін Жарылғаповтың ұлы Нұрғазы мен жергілікті кәсіпкер Құлкеев атақ­ты актерге жарысқа келген уақытта көрсетпек. 


Әрине, қарағандылықтармен және Нұрғазы Жарылғаповпен Жан Клод Ван Дамм жақын. 2011 жылы бри­тан­дық «ITV—4» телеарнасының «Behind closed Doors» реалти шоуында Ван Дамм басты рольді ойнайды. Аталған фильмнің бір сериалында бокс­тан Қа­зақстанның еңбек сіңірген жаттықты­ру­шысы Нұрғазы Жан Клод Ван Дам­мен спарингке түсіп жатады. Қазақ бапкері атақты артиске рингте ұрып-соғудың сан түрлі әдіс-айласын көр­сетіп жатады. Қысқаша айтқанда, спорт оларды жақындастырды. Жалпы, есімі әлемге мәшһүр атақты артист бұ­ған дейін Қазақстан мен Азия елдерінде бірнеше рет болып қайтқан. Астанадағы кинофестивальге келген уақытында Шыңғыс хан мен Ақсақ Темір туралы кино түсіру туралы ойын айтқан. Жал­пы, Голливуд жұлдызы кейінгі кезде тарихи тұлғалар туралы киноға түсуге құмартып жүргені жасырын емес. Мұ­ны Жан Клод Ван Дамм ашық айтып жүр. Бельгиядағы кинофес­ти­вальде жұлдызбен кездескеннен кейін Нұр­ғазы Жарылғапов пен Ерік Кұлкеев Қарағандыда туылған жерлесі, қазақ режиссері Ақан Сатаевпен кездесіп, сценарий жазуға көмек сұраған. Енді, міне, бәрі дайын. Сценарий Ван Дамм­ға ұнаса, кино түсіруге қазақ жағы құл­шынып отыр. Ең бастысы, фильмде Жан Клод Ван Дамм басты рольде ойнап, фильмнің продюсері болмақ.
Өз тілшімізден

http://www.aikyn.kz

Рубрика: