Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

«Қазақстан» ұлттық арнасында отандық телехикаялардың көлемі ұлғаюда. Енді ұлттық арнаның тұрақты көрермендері отандық телехикаяларды 21.30-дағы прайм-тайм уақытында ғана емес, 19.30-да да көре алады.

Халық сүйіп тамашалаған «Ұлжан», «Олимп шыңы», «Сұңқар» телехикаяларынан кейін «Қазақстан» телеарнасы көрерменнің назарына «Ұстаз» атты жаңа телехикаяны ұсынады.«Ұстаз» – ауыл оқушыларының қа­білетін ашып, өмірде дұрыс бағыт таң­дауға көмектесу міндетін жүктеген жас ұстаздардың еңбек жолын баяндайтын телехикая.
Фильмде оқиға білікті мамандарды қажет еткен жаңа мектептің қарбалас өмірінен басталады. Тағдырдың қа­лауымен телехикаяның бас кейіп­керлері – Салтанат, Қайрат, Бақыт және Жәнібек директор Байзақовтың қарауында жұмыс істейді. Осындай жауапты іске қадам басқан жас мұғалімдер оқушылармен етене байланыс орната отырып, мектеп өмірінің қызығы мен қиындығын қатар көреді.
Десек те, жас мамандар педагог жауапкершілігін бірден сезіне алмай, өз шәкірттерінің бойынан түсіністік пен кішіпейілдікке үйренеді. Әр кейіпкер өзін ұстаз ретінде ғана емес, жан-жақты қырынан танытады. Ұстаз өз оқушы­ларына жақсы педагог ғана емес, өз отбасында сүйіспеншілік пен мейірім­ділікке бөлене алмаған балалардың жақын досы бола біледі.
Телехикаяның басты кейіпкерлері оқушыларымен бірге өткізген сан қилы оқиғалар барысында достық пен махаббаттың бағасын, мейірім­ділік пен түсіністіктің маңыздылығын түсінеді. Нәтижесінде жас мамандар бұғанасы қат­паған қаршадай шә­кірттерді тәр­биелеу қиындығымен қатар, қызығы мен бақытын қатар сыйлайтын ұлы мамандық екендігін ұғынады.

Ершай ӘЗІРЕТ

http://www.aikyn.kz/articles/view/38158

 

 

Рубрика: