Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

20130903145251Еуразиялық экономикалық одақта ортақ валюта құру көзделмеген. Бұл туралы орталық коммуникациялар қызметінің брифингінде ұлттық экономика вице-министрі Тимур Жақсылықов мәлімдеді.

«Қазақстанның Еуразиялық экономикалық одақ аясында ортақ валюта енгізу мүмкіндігіне байланысты нақты ұстанған бағыты бар екендігін атап өтуі керек. Біз бұл сұрақты талқыламаймыз. Валюталы одақ қалыптастыру және бірыңғай валюта енгізу ЕАЭО-да қарастырылмаған және мұндай жұмыс жүргізілмейді», — деді Жақсылықов. Сондай-ақ ол ЕАЭО аясында 2025 жылға дейін тек қаржылай нарықты реттеу саласындағы заңдарды үйлестіруді жүргізу жоспарланғандығын атап өтті. «Бұл жерде қандай-да бір валюталы немесе монетарлы одақ пен оның перспективасы жөнінде айтылмайды», — деп түсіндірді ол. Айта кетейік, осы жылдың көктемінде ресейлік БАҚ Ресей президенті Владимир Путин елдің қаржылай ұйымдарына ЕАЭО аясында ортақ валюта енгізу мәселесін зерттеуді тапсырғандығын хабарлаған еді. Ал одаққа мүше елдер мұндай жоспардың жоқ екендігін мәлімдеді.

Еркежан Жұматаева

http://turkystan.kz/

Рубрика: