Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Астана. 12 тамыз. Baq.kz – Әйгілі америкалық актер Робин Уильямс Тиберон қаласындағы (Калифорния штаты) өз үйінде өлі табылды деп хабарлайды Reuters. Полицияның мәлімдеуінше, 63 жастағы өнер иесі өз-өзіне қол салған.

Қайғылы оқиға кеше жергілікті уақытпен 11:20-лар шамасында орын алды деп жазады The Los Angeles Times газеті. Шерифтің айтуынша, өлім тұншығудың салдарынан болған. Қазір полицияның қарастырып жатқан бірінші болжамы — суицид. Алайда, актер өлімінің нақты себебін анықтауға тағы бірнеше күн керек дейді тәртіп сақшылары. Сот-медициналық сараптама 12 тамыз күні жүргізілмек.
Робин Уильямс — «Оскар» сыйлығының иегері, «Алтын глобус» сыйлығының бес рет лауреаты атанған. Актердың танымал болуына «Қайырлы таң, Вьетнам» фильмі септігін тигізді. Сондай-ақ, ол «Миссис Даутфайр», «Август Раш», «Джуманджи» сынды фильмдерде де басты рольді сомдаған.

http://baq.kz/kk/news/51364

Рубрика: