Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Қарашаның19-ына қараған түні Украинаның шығысында сепаратистер украин әскерінің бақылауындағы Донецк әуежайына тағы шабуыл жасады. Украинаның шығысындағы арнайы операцияның баспасөз қызметі шабуылдың тойтарылғанын хабарлады.

Минскіде жасалған келісім-шартқа қарамастан Донецк әуежайындағы әскери қимылдар тоқтамай тұр.

УНИАН агенттігі мен «Украинская правда» басылымының хабарлауынша, Донецкінің өзінде де кеше түнде жарылыс пен дүркін-дүркін атыс дауыстары естілген.

Украин әскерилерінің дерегінше, соңғы бір тәулікте атысты тоқтату режимі 40-тан көп рет бұзылған. Сепаратистер украин күштерінің Бахмутка жолындағы, Счастье, Углегорск, Каменка, Никишино, Малоорловка және Майорск қалаларындағы позицияларын «Град» қондырғысымен және минометтерден атқылаған. Шабуылдардан екі украин сарбазы қаза тауып, 13-і жараланған.

Ресейлік ақпарат құралдарының хабарлауынша, Луганск облысындағы сепаратистер жетекшісі Игорь Плотницкий ашық хатында «соғысты тоқтату үшін» Украина президенті Петр Порошенконы жекпе-жекке шақырған. Плотницкий Порошенкоға жекпе-жек өткізетін орынды таңдауды және қаруды өзі таңдауды ұсынған.

http://www.azattyq.org/archive/news/20141119/330/330.html?id=26699508

Рубрика: