АЛТЫНОРДА
Новости

Реформаның кезегі «Самұрық-Қазынаға» келді

«Самұрық-Қазына» ұлттық әл-ауқат қоры бұдан былай өздерінің ең үздік қыз­меткерлерін арнайы іріктеп, олардың бі­лім арттыру мен тәжірибесін жетілдіруді үнемі бақылауда ұстап отырмақшы. Ком­па­нияның 2013-2022 жылдарға арналған кадр саясатына орай қабылданған «Топ-100» атты жаңа бағдарламаның тағы да бірқатар ерекшеліктері бар. Қор төрағасы Өмірзақ Шөкеевтің басқарумен өткен «Самұрық-Қазына» АҚ компаниялар то­бы­ның тәуелсіз директорларының отыры­сында осындай жаңалықтармен қатар, алдағы бағыт-бағдарлар туралы талқылау жасалды.

Екі жылдан бері тұрақты ұйымдас­ты­ры­латын тәуелсіз директорлардың кеңе­сін­де қорға қарасты құрылымдардың даму жайы пысықталды. Әрине, негізгі жұ­мысты атқаратын адам. Әсіресе. басқа­рушы топ-менеджерлерге де көп мәселе бай­ланысты. Сондықтан да тоғыз жылға жоспарланған кадр саясатын жүргізуде еңбек ресурстарының сапасын көтеруге, біліктілік деңгейін жоғарылатуға және білім беру орталықтарын күшейту мен дуальдық оқыту жүйесін пайдалануға ба­рынша назар аударылады. Ал мықты қа­білетін ісімен дәлелдеген мамандар топ­тастырылатын «Топ-100» жобасына енген әрбір кадрдың жауапкершілігі зор болмақ. Әзірге мұқият жүргізілген іріктеудің нә­тижесінде топқа 35 қызметкер өтіпті.

– Сіздер, тәуелсіз директорлар әр­түрлі компанияларда қызмет атқарған­да­ры­ңызбен негізгі мақсатқа жету жолын­да барлығымыз бір топпыз. Әрбір шешім қабылданар сәтте осы маңызды жайтты ұмытпауымыз қажет. Қорға қарасты ком­паниялардың бәсекеге қабілеттілігін арт­тырып, заман талабымен дамытуымыз аса жауапты. Осыны ескеріп дайындалған «Топ-100» бағдарламасындағы қыз­мет­кер­лермен тәуелсіз директорлар жеке та­нысып, олардың келесі қадамдарын жіті қадағалау керек. Ал жалпы қордың басқа­ру құрамындағы басшылардың қабіле­тін бағалау барысында олардың 30 пайызы­ның біліктілігінің талапқа сәйкес кел­мейтінін білдік. Енді әлемдік үдерістерге жауап беретін компанияны қалыптас­тырғымыз келсе, жаңа қадамға қорықпай барып, қордың басқарушы құрамындағы кадрларға ауқымды реформа жүргізуге тиіспіз және оған дайынбыз, – деді Ө.Шөкеев.

Төрағаның айтуынша, қор мен оған қарасты еншілес компаниялардағы бас­қарушы құрамдардың кәсіби біліктілігін саралау барысында, олардың 30 пайызы­ның талапқа толықтай жауап бермей­тін­дігі анықталыпты. Енді 350 мыңдай қыз­меткері бар алып құрылымды алдағы күн­дері кезекті реформа күтіп тұр. Сонымен бірге тәуелсіз директорлар тобы корпоративті заңнаманы жетілді­-руді ортаға салып, ішкі аудиттің міндеті мен «Халықтық IPO» бағдарламасын та­бысты жүргізудің жолдарын қарастыр­ды. «Самұрық-Қазынаның» тәуелсіз ди­рек­­торларының бірі Питер Хауздың ай­­туынша, ағымдағы жылдың екінші жартысында нарықтық сатылымға KEGOC компаниясының акцияларын шығару көзделуде.

Бейсенбай Дәулетұлы
Астана

http://www.aikyn.kz