Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Украина президенті Петр Порошенко. ©РИА НовостиУкраина президенті Петр Порошенко қастандық құрбаны болған ресейлік оппозициялық саясаткер Борис Немцов Донбастағы қарулы жанжалға Кремльдің қатысы барын айғақтайтын материалдарды жария етпек болған еді деп мәлімдеді.

Порошенко бірнеше апта бұрын Немцовпен сөйлескенін айтады. «Ол Ресей қарулы күштерінің Украинадағы оқиғаларға қатысы барын бұлтартпайтын дәлелдерді хабарлауым керек деген болатын және Борис ештеңеден жасқанбады» деген Порошенконың сөзін келтірген УНИАН агенттігі. Мәскеу Шығыс Украинадағы сепаратистерге көмектесіп отырғаны жайлы айыптауларды жоққа шығарып келеді.

Порошенко Немцовты Украинаның үлкен досы және Ресей патриоты деп атаған. «Ол өз елінің азаттығын қорғау үшін күресті және сол үшін бәрін берді. Наурыздың 1-і күні ол Украинаны сүйетін, адамдардың құқықтары мен бостандығын құрметтейтін өзге Ресей барын көрсетпек болған еді» деп мәлімдеген Украина президенті.

Ақпанның 28-і күні Киевтің Тәуелсіздік алаңында (Майдан) Борис Немцовты еске алу акциясы өтті. Шараны бұл жерде ұйымдастырылуының себебі – Украинадағы Қызғылт-сары революция кезінде және 2013-2014 жылдары Украинаның Еуропа одағына интеграциясын жақтаушылар өткізген көпшілік акцияларға сол кездері Борис Немцовтың да қатысқанымен байланысты деп хабарлады УНИАН.

Сенбі күні Киев Майданындағы Борис Немцовтың суреттері қойылған жерге украиндықтар гүл шоқтарын әкеліп, қастандық құрбаны болған саясаткерді еске алды.

01.03.2015

azattyq.org
Толығырақ: http://alashainasy.kz/politic/poroshenko-nemtsov-kremldn-sn-ashkerelemek-ed-64465/
материалды қалай болсын қолдану тек қана Alashainasy.kz сілтемесімен бірге рұқсат етіледі

Рубрика: