Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Отандық прокатқа «Рай для мамы» («Анаға арналған жұмақ») фильмі шыққалы жатыр. Қазақстанның «Tanaris» компаниясы өндірген бұл әлеуметтік драма елімізде 7 наурыздан бастап көрсетіле бастайды.

Фильмді қырғыз режиссері Актан Арым Кубат түсірген. Сюжетте отағасы Ресейге жұмыс іздеп кеткен үйдің мүшелері туралы баяндалады. Екі ұл мен ана өмірдің қиыншылықтарына қарамастан, хабарсыз кеткен әкеден үміттерін үзбейді.

Айта кетелік, «Анаға арналған жұмақ» 2009 жылы түсірілген. Осы уақытқа дейін бірнеше кинофестивальдарға қатысып үлгерді. Атап айтқанда, Ресейдің Орынбор қаласында «Шығыс-Батыс» фестивалінің гран-при жүлдесіне ие болды. Сондай-ақ Германияның Висбаден қаласында өткен XII халықаралық фестивальда «Айқын көркемдік өзгешелігі үшін» номинациясын жеңіп алды. Бұлардан бөлек Чехияда, Кореяда, Израильде өткен кино жиындарына қатысқан. Қазір Армения, Грузия, АҚШ елдеріне шақырту алыпты.

Драмаға отандық актерлерден Ольга ЛандинаБолат ҚалымбетовЖан Байжанбаев, және ресейлік актерлерден Михаил Жигалов пен Наталья Арынбасарова қатысты. Сценарий авторы — белгілі иран киногері, Азия киноакадемиясының президенті Мохсен Махмалбаф.

 

http://www.kinostan.kz/news/view?id=231

Рубрика: