Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Киев мэрі Виталий Кличко «Майданның (Киевтегі Тәуелсіздік алаңы) көлік жүретін бөлігінен шатырлар алынатын болды» деп мәлімдеді. Майдандағы шатырлар өткен жылдың соңынан бері жиналмай тұрған. 

Қала басшысының сөзіне қарағанда, «Майдан жүздігі» аталатын белсенділермен алаңның көлік жүретін бөлігін босату туралы келісім жасалған. Мэр «Алаңның жаяу жүргіншілерге арналған бөлігіндегі шатырлардың қала беретінін» айтады.

УНИАН агенттігінің ақпараты бойынша, 8 тамыз күні қаланың орталық алаңынан 20 шақты жүк көлігімен қоқыс шығарылған. Осы күні қаланың коммуналдық қызметі алаңның көлік жүретін бөлігін де тазаламақ болған. Бірақ шатырларда тұрып жатқан белсенділер оған қарсы шығып, көлік дөңгелектерін өртеген еді. Милицияға олар жанғыш зат құйылған құмыралар лақтырған. Бірақ алаңдағы тәртіп көп ұзамай қалпына келді, зардап шеккендер туралы ақпарат жоқ.

http://www.azattyq.org/archive/news/20140809/330/330.html?id=26521960

Рубрика: