Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

гнгнгннгПавлодар облыстық Экономикалық және сыбайлас жемқорлыққа қарсы күрес (қаржы полициясы) департаментінің қаржы полицейлері үстіміздегі жылдың өткен төрт айы ішінде 225 өрескел заң бұзушылықты анықтады. Мұның 68-і сыбайлас жемқорлыққа және 157-сі экономика және қаржы саласындағы заң бұзушылыққа қатысты. Сөйтіп, тергеу шаралары нәтижесінде мемлекет қазынасына 130 миллион теңгеден астам шығын келтірілгені анықталып, 36 қылмыстық іс сотқа жөнелтілді. 


– Үстіміздегі жылдың алғашқы төрт айында мемлекеттік қызметкерлердің заңсыз құжаттар дайындауына қатысты – 20, лауазымды асыра пайдалану бойынша – 13, алаяқтық іс-әрекеттерге қатысты – 12, пара алу бойынша – 7 қылмыстық оқиға анықталды. Бұған қоса, Екібастұз қалалық қаржы бөлімінің бас маманы А.Айдашевтың заң бұзушылық әрекет­­теріне қатысты қылмыстық істің беті ашыл­ды. А.Айдашевтың ұйымдасқан қыл­мыс­тық топ құрып, жалған құжаттар да­йын­дау арқылы мемлекеттік жылжымай­тын алты нысанды таныстарының атына заңсыз тіркеген. Сондай-ақ Айдашев құрған ұйымдасқан қылмыстық топқа қатысты 30 қылмыстық іс қозғалды. Қазіргі күні Екібастұз қалалық сотының шешімімен осы қылмыстық топтың екі мүшесі қамауға алынды, – дейді Павлодар облыстық Экономикалық және сыбай­лас жем­қор­лыққа қарсы күрес (қаржы поли­циясы) департаменті баспасөз қызметі­нің же­текшісі Самал Ахмедьянова.

Өткен жылмен салыстырғанда, үс­тіміздегі жылы облыс аумағында пара алу көлемі үш есе өскен. Пара алғаны үшін «Ру­беж-Шідерті» жүйесі жол-патруль қызметінің инспекторы Н.Байбек төрт жыл­­ға, «Үрлітөбе» шекара бекетіндегі  2033 әске­ри бөлімінің кіші бақылаушысы Н.Мақа­тов алты жылға, Ауылшаруа­шы­лығы ми­нистрлігі Павлодар аумақтық инс­­пек­циясының бас маманы Т.Қажа­тов үш жылға бас бостандығынан айырыл­­ды. Қазіргі күні АП162/4 мекемесі (түрме) ау­мағына рұқсат етілмейтін заттарды кір­гізуге заңсыз жол бергені және пара ал­ға­ны үшін З. есімді қызметкерге қатыс­ты қылмыстық істі сот қарауда. Соны­мен қатар мемлекеттік лицензиясы жоқты­ғына қарамастан арақ-шарап өнімдерін ер­кін саудалап келген К. есімді келіншектің қаржы полицейінің біріне 60 мың теңге пара беру оқиғасына қатысты қылмыс­тық іс сотқа жөнелтілді.

– Әсілінде, қаржыны қымқыру бух­­галтерлік есеп-қисап құжаттарын қолдан жасау арқылы жүзеге асырылады. Мыса­лы, «Қазпошта» АҚ Павлодар облыстық бө­лімшесіне қарасты аудандық пошта тораптарынан 2012 жылғы желтоқсан айынан бергі уақыт аралығында 8 миллион теңгеден астам қаржының жалған есеп-қисап құжаттары арқылы қымқырылғаны анықталды. Қылмыстық істі тергеу аяқ­талып, сотқа жіберілді. Әділет министр­лігінің Қылмыстық атқару жүйесі Ко­митетінің түзеу мекемелері жанында­ғы мемлекеттік шаруашылық-есеп мекеме­сі директорының орынбасары мемле­кет­тік сату-сатып алу заңдылықтарын бұзу арқылы қазынаға 20 миллион теңгеден астам зиян келтірген. «Химпром» АҚ-тың бос тұрған екі ғимаратын жөндеуге жұм­салды деген желеумен осы сала маманда­ры бюджеттің 18 миллион теңгеден астам қаржысын қолды еткен. Мемлекет қар­жы­сын қымқырғандар, жалған құжат жа­сау­шылар заң алдында жауапқа тартылуда, – дейді Павлодар облыстық қаржы полициясы баспасөз қызметінің жетекшісі Самал Ахмедьянова.

Жомарт МОЛДАХМЕТҰЛЫ

http://www.aikyn.kz

 

Рубрика: