Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

1024220Украинададағы «Евромайдан» әлі жалғасып жатыр. Кеше, яғни, 8 желтоқсан күні шерушілер Бессарабс алаңындағы Лениннің ескерткішін құлатып, оның орнына Украина мен Еуро одақтың туын қойып, шам жаққан.

Украина халқын Майданға алып келген де осы құлдық санадан дер кезінде құтылғандығы. Ющенконың тұсында «Голодомор»-ға саяси баға беріліп, оны геноцид деп бағалап, әлем назарына шығарды. Мұнымен тоқтамай, Украин тілінің мәртебесін көтеріп, совет өкіметінен қалған ескерткіштерді жаппай жойып, көшелердің аттарын ауыстырды. Бір сөзбен айтқанда, халықты құлдық санадан құтқарудың жолына түсті. Міне, бүгін Украин халқы құлдықтан азат сананың жемісін көріп, мемлекет пен ұлт мүддесі сынға түскен шақта ақырып алаңда тұрғанына 18 күн болды.

Тіпті, әйгілі украиндық ағайынды боксшылар Кличколарда халықты қолдап, Майданда жүр.

Ал, бізде ше? Бізде тыныштық…

Негізі, қоғам бұлқынғысы келеді. «Күш қазандай қайнайды, күресуге дәрмен жоқ». Мәселен, Ленин ескерткіші «Сарыарқа» кинотеатрының артында әлі тұр… Мирзоянды әрең ауыстырды. Фурмановтың түсер түрі жоқ. Ашаршылыққа саяси баға берілмек түгілі, Алматыда ескерткіш орнатылады деген жерде қара тас қана тұр. Қара тас кімнің басына қойылған құлыптас? Соның иесі…

Қазақстанда халықты құлдық санадан құтқару туралы әрегідік айтылып қана келеді. Іс жүзінде ешнәрсе жасалған емес. Әнеугүні ұлттық тарихты насихаттауды бастап, билік отарсызданудың нышанын жасаған еді, іле оның да тірсегін қиып жіберді. Қияды, өйткені, Қазақстанда мемлекеттік Тәуелсіздік болғанымен, саяси жүйесі өзгермеген. Жүйе — сол баяғы советтік-коммунистік, париялық кадрлардың қолында.

Демек, тарихи санасы жаңғырмаған ұлтқа Майдан да жоқ. Тек өзгелердің майданына тамсанып отыра береді. Керек десеңіз, Қазақстандағы Майданның уақыты өтіп кеткен болуы да мүмкін…

Ал, Сіз құлыптасқа қарап отырасыз…

Айтпақшы, Киевтегі Майданнан Қазақстанның туын да көруге болады. Оны ұстаған – Мұхтар Тайжан. Кешелі бері қасына бірнеше жігіттер ерткен Мұхтар евромайданның белортасында жүр.

Abai.kz

Рубрика: