Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

АСТАНА. 6 ақпан. BAQ.kz – Экстремизмге қарсы іс-қимыл жөніндегі жаңа заңнамалық түзетулер Қазақстанның облыстарында лаңкестікке қарсы өңірлік комиссиялар құруға мүмкіндік беріп отыр, деп хабарлайды ҚР Президенті жанындағы Орталық коммуникациялар қызметінің сайты.  Олардың міндеті жер-жерлерде алдын алу жұмыстарын жүргізу болып табылады.

 

ҚР Ұлттық қауіпсіздік комитеті ұйытқы болып отырған жаңа түзетулердің басты мақсаты лаңкестікке қарсы іс-қимылдардың мемлекеттік жүйесінің құқықтық негіздерін жетілдіру болып табылады.

«Заңнамалық түзетулер, бүгінде тек нақты қылмыстық әрекет ретінде ғана емес, ең алдымен күрделі әлеуметтік-саяси құбылыс ретінде қабылданып отырған лаңкестікпен күресудегі кезекті қадам болып табылады», — деп атап көрсеткен болатын Ұлттық қауіпсіздік комитеті төрағасының орынбасары Қабдолкәрім Әбдіқазымов бұған дейін.

Елімізде қазіргі таңда лаңкестікке қарсы іс-қимылдар саласындағы жедел жағдай шиеленісті. ҚР ҰҚК ақпараты бойынша, 2011-2012 жылдары 35 зомбылық акциясының жолы кесілді, 42 экстремистік топтың құқыққа қайшы әрекеттері тоқтатылды. Бірақ та, экстремистік мазмұндағы 18 әрекетке, оның ішінде жарылыс құрылғылары пайдаланылған 7 қылмысқа тосқау қойып үлгерілмеді.

Мемлекет басшысы 2013 жылдың 4 қаңтарында қол қойған жаңа заң лаңкестікке қарсы іс-қимылдың заңнамалық негіздерін дамытудың маңызды кезеңі болып табылады. ҰҚК енгізіп отырған түзетулер қоғамды лаңкестердің құқыққа қарсы әрекеттерінен қорғаудың басты ұстыны болып отыр.

Бұл нормативтік құжат «зомбылық идеологиясына» қарсы іс-қимыл жөніндегі нақты қадамдарды қарастырады.

ҚР ҰҚК ақпараты бойынша, жер-жерлерде профилактикалық жұмыстарды тиімді жүргізу үшін лаңкестікке қарсы комиссиялар құрылуда және оларға сәйкес әкімдер жетекшілік ететін болады. Себебі, күш-қуат және құқық қорғау органдарының аумақтық бөлімдеріне қарағанда, жергілікті атқарушы органдар күш-құралдар, материалдық ресурстар сияқты үлкен мүмкіндіктерге ие.

Қарастырылған түзетулердің қатарында — адамдар көп жиналатын нысандарда қауіпсіздіктің қосымша шараларын енгізу шарты бар. Тағы бір негізгі бағыт бойынша, нақты халықаралық лаңкестік және діни-экстремистік ұйымдармен күресуге күш-жігер жұмылдыру мәселесі қарастырылуда.

«Қазіргі таңда ең үлкен қауіп төндіріп отырғандар — орталық-азиялық өңірде «халифат» құруды көксеген және ауған-пәкістан шекарасы төңірегінде орналасқан лаңкестік ұйымдар», — деп хабарлады Қабдолкәрім Әбдіқазымов бұған дейін Мәжілістің Заң шығару және сот-құқықтық реформа комитетінің отырысында сөйлеген сөзінде.

Сондықтан да, құқық қорғау және күш-қуат құрылымдарын лаңкестік қатерлерді тойтаруға дайындықтарын қалыптастыру осы жұмыстың басымдықты бағытының бірі болып табылады.

Жалпы алғанда, енгізілген түзетулер лаңкестікке қарсы іс-қимылмен айналысатын мемлекеттік органдардың өкілеттіліктерін нақтылауға, лаңкестікке қарсы іс-қимыл саласындағы заңнаманы бұзудың жауапкершілігін күшейтуге, және ең бастысы лаңкестіктің алдын алу жөніндегі шаралар кешенін жетілдіруде бағытталған.

http://www.baq.kz/news/22912

Рубрика: