Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Нұрлан ОРАЗАЛИН, ҚР Парламенті Сенатының депутаты. ©Ғабит МАДАЛИЕВ (фото)Биылғы жылдың ерекшелігі – мемлекеттік деңгейде Қазақ хандығының 550 жылдығы алғаш рет аталып өтілмек. Былтыр Елбасы Н.Назарбаев көтерген бастамаға жан-жақты қолдаулар болды, дағдарыс қысты десек те — торқалы тойға деген қам тоқтаған емес. Әйтсе де, «тойдың болуынан боладысы қызық» демекші, мерейтой төңірегінде әңгіме көп. Шарықтау шегі Жамбыл облысы Шу алқабында арнайы іс-шаралар ұйымдастырылатыны да жоспарға салынып жатыр. Ұлттығымызды, мемлекеттігімізді — ұлттық мемлекеттігімізді паш ететін, Тәуелсіздігіміздің тамырын танытатын осынау шараға әр қазақтың да таласы бар. Бұл мерейтойға әр қазақ өзінше үн қоса алады, әрбір ұйым да өзінің үлесін бере алады.

Осы тұрғыдан алғанда, қазақ руханиятының қара шаңырағына айналған Қазақстан Жазушылар одағының осындай игі іске қосар үлесі нешік? Бұндай торқалы тойға ақын-жазушылар бастаған зиялы қауым нендей қадаммен келуі керек? Осы жайында тақырыпты тарқатып алу мақсатында «Алаштың интернет-мәслихаты» айдарына Қазақстан Жазушылар Одағы Басқармасының төрағасы, ҚР Парламенті Сенатының депутаты Нұрлан Оразалин мырзаны шақырған едік.

Ендеше ардақты әлеумет, көкейде жүргін көп сұрақтарыңызды, білгіңіз келетін мәселелерді, түйткілді сауалдарыңызда ғаламтор желісі арқылы біздің сайтымызда қоюыңызға әбден болады. Нұрлан Мырқасымұлы таңдалған тақырып төңірегінде сұрақтарға жауап беруге әзір.

Еске сала кетейік, интернет-конференция ашудағы басты мақсат – қоғамдағы өзекті мәселеге қатысты азаматтар тарапынан туындайтын сауалдарға лауазымды тұлғалардың, шенеуніктердің жауабын жедел ұйымдастыру.

Осыған орай, мерейтой төңірегінде көкейде жүрген, білгіңіз келетін сауалдар болса бізбен байланысыңыз! Толғандырған сұрақтарды сайттың ««Алаштың интернет-мәслихаты» айдарындағы форум арқылы қалдыруға және info@alashainasy.kz, aa_astana@mail.ru электронды пошталарымен, сондай-ақ Астана қаласының тұрғындары үшін 54-27-31; 54-27-30 байланыс телефоны арқылы қабылдай аламыз.

Ендеше желіде – Қазақстан Жазушылар Одағы Басқармасының төрағасы, ҚР Парламенті Сенатының депутаты Нұрлан ОРАЗАЛИН!

http://alashainasy.kz/

Рубрика: