Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

4-12 наурыз аралығында Лондонда өтіп жатқан Орталық Азия және Кавказ қазіргі заманғы өнер көрме-сатылымы экспозициясы «Өткелде» деп аталады. Оған қойылған туындылар қатысушы елдердің саяси, экономикалық және мәдени дамуындағы өтпелі кезеңді бейнелейді.

Көрмеге тоғыз қазақстандық суретшінің жұмыстары ұсыны­лып­ты. Олардың екеуі – Бахтияр Табиевтің «Каспий жанындағы ауыл» және Салахитдин Айтбаев­тың «Тың. Түскі ас» туындылары. Соңғысы – 1960 жылдары салын­ған және Әбілхан Қастеев атын­дағы Қазақстан Республикасы мем­лекеттік мұражайында сақ­таулы «Түскі ас. Бригаданың жи­налуы» туындысының бір нұс­қасы. Сондай-ақ Сергей Маслов, Георгий Трякин-Бухаров, Саид Атабеков, Алмагүл Меңлібаева, Александр Угай, Елена және Вик­тор Воробьевтардың туын­дылары да қазіргі заманғы Қазақ­стан өнерін көрсетеді.

Image

Қазақ поп-арты мен инстал­ляция­сының ақсақалы санала­тын Георгий Трякин-Бухаров: «Бізге Лондонда өз жұмыс­та­рымызды көрсетуге демеушілік көрсетіп, мүмкіндік берілгені үшін ENRC әртараптандырушы компаниялар тобына шексіз алғысымызды білдіреміз. Әрине, бұл ерекше іс-шара. Қазақстандық суретшілер­дің туындыларын Sotheby’s көр­ме­сінде көрсету – біздің қазіргі заманғы өнеріміздің беделін көтереді» деп атап өтті. Көрмеге оның «Алтын қиыс» компо­зи­циясы ұсынылған екен.
Топ-лоттардың ішіне Алмагүл Меңлібаеваның «Арал. Пляж 2» туындысы енген. Фото жұмыс суретшінің Арал теңізі төңірегінің тарихы мен тұрмыс жағдайын зерттеу жобасының бір бөлігі болып есептеледі. Көпшілік қауым бұл көрмені «Қа­зақстан, Қырғызстан, Тә­жікстан, Армения мен Әзір­бай­жан шебер­лерінің туындыларын бі­рік­тіретін бірегей экспозиция» дейді. Туын­дылар 1960 жыл­дар­дағы нон­­­конформизм мен соц­реализм­ді қамтиды. Жалпы, көр­меге 47 өнер туындысы ұсынылған.

ENRC PLC Бас атқарушы директоры Феликс Вулис: «Осындай жаңашыл көрменің демеушісі болу – бізге орасан зор құрмет. Біз қазіргі заманғы Қа­зақстанның өнер туындыларын халықаралық деңгейде көрсетуді мақтан тұтамыз. Осылай Қазақ елі мен жалпы өңірдің бай мәдени мұрасына үлкен назар аударта­мыз» деп атап көрсетті.
Естеріңізге сала кетейік, ENRC – пайдалы қазбаларды қазып алу және байыту саласында әлемдік жетекші әртараптан­ды­рушы компаниялар тобы сана­лады. Ол кен қазып алу, өңдеу, энергетика, көлік және маркетинг кәсіпорындарымен интегра­цияланған. Топтың өндірістік активтері негізінен Қазақстан Рес­публикасында орналасқан.

Құтмағамбет ҚОНЫСБАЙ

http://www.aikyn.kz

Рубрика: