Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Астана. 29 қаңтар. Baq.kz – Белгілі әнші Қайрат Нұртас сотқа шақырылмақ. Ол Алматыдағы «Прайм плаза» сауда үйіндегі тәртіпсіздікке қатысты куәгер ретінде түсініктеме береді. Кеше осы оқиғаға қатысты сот процесі жалғасты. Бұл жайында 7 арна хабарлады.

Еске салайық, Алматы қаласының ішкі істер департаменті тәртіпсіздік кезінде 29 көлігіміз талқандалып, 19 млн. теңге шығынға баттық деп отыр. Енді бұл қаржыны айыпталып отырған жігіттерден өндіртіп алмақшы. Сондай-ақ сол күні күзетті күшейтуге тартылған 57 сарбаз да зардап шегіпті. Және әскери бөлімнің 1 млн. теңгеге жуық мүлкі бүлінген. Мұнан бөлек үстел, орындықтары, ыдыстары қираған кафе қызметкерлері де шығындарын есептеп, сотталушылардан 1 млн. теңге өндіріп алуға бекініп отыр. Бірақ бұл қаражаттың бәрін кімнің өтейтіні әзірге белгісіз.

Бұл ретте Әуезов ауданы прокурорының аға көмекшісі Алмас Момбеков: «Қоғамдық тәртіпті өрескел бұзушы, үкімет өкіліне, қоғамдық тәртіпті қорғау өкіліне, міндетін атқарушы адамға қарсылық көрсетумен бірге денсаулығына зиян келтіруші арнайы бейімделген заттарды қолдану арқылы бұзақылық жасаған», — дейді.

Бүгінде 5 айыпталушы өздерінің сол күні бұзақылық әрекеттер жасағанын мойындаса, екеуі тағылған айыптан бас тартып отыр. Егер соттталушылардың кінәсі дәлелденсе, 3 жылдан 7 жылға дейін бас бостандығынан айырылуы мүмкін.

http://baq.kz/kk/news/42783

Рубрика: