АЛТЫНОРДА
Новости

Каирде оппозиция «Мұсылман бауырластығы» ұйымының кеңсесін өртеп жіберді

434_e4a3fc7e58ee63f02dda35f6c75256d7Астана. 1 шілде. Baq.kz – Египетте оппозициялық шерушілер дүйсенбіде Каирдегі «Мұсылман бауырластығы» қозғалысының штаб-пәтерін басып алып, өрт қойды. Шерушілер кеңсенің терезесінен жиһаздарды лақтырып, штаб-пәтерді тонады.

Жексенбіде Каирде және Египеттің басқа да қалаларында жүз мыңдаған адам көшеге шығып, президент Мұхаммед Мурсидің отставкаға кетуін талап еткен. Мурси – «Мұсылман бауырластығы» саяси қозғалысының белді өкілі.

Мұхаммед Мурсидің қарсыластары оны «Мұсылман бауырластығындағы» жақтастарына билікті беріп қойды және елді экономикалық тығырықтан шығара алмай отыр деп айыптайды.

Мурси билікке келген бір жылдан бері елде оның отставкаға кетуін талап еткен мұндай үлкен наразылық шерулері болмаған.

 

http://www.baq.kz/kk/news/31523