Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

7820DFB1-7605-4DFD-AB6C-4114D32D3876_w268_r1_cx25_cy14_cw49Германия президенті Йоахим Гаук Сочиде (Ресей) өтетін қысқы олимпиада ойындарына бармайтын болды. Немістің Der Spiegel басылымының хабарлауынша, президенттің баспасөз хатшысы бұған дейін де бұрынғы президенттердің қысқы олимпиада ойындарына бармағанын айтып, Йоахим Гауктың бас тартуын «олимпиадаға байкот жариялау емес» екенін ескерткен.

Бірақ басылым «Гаук Ресей үкіметінің азаматтардың құқықтарын шектеп, саяси оппозицияға қысымды күшейткеніне жауап ретінде Сочиге барудан бас тартып отыр» деген жорамал жасайды.

Йоахим Гаук — бұрынғы коммунистік Шығыс Германиядағы азаматтық құқық белсендісі, Берлин қабырғасы құлағаннан кейін құпия Штази полициясының мұрағатына басшылық жасаған протестанттық пастор. Ол 2012 жылы ақпанда Германия президенті болғалы бері Ресейге бармаған.

 

http://www.azattyq.org/content/news/25194124.html

Рубрика: