Елiмiзде АЭС салу – ұлтқа жасалған қастандық

Март 13, 2013 5:52

Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Мырзан КЕНЖЕБАЙ: Бiраз жыл бұрын Ресейдiң радиоактивтi қалдықтарын бiр вагонға салып, Болгарияның суына апара жатқанда қарапайым халық естiп қалып, сол жерде қантөгiс жасады. Бiздiң билiк басындағылар атом электр стансасының зияны жоқ деп үлкен қылмыс жасап отыр. Ендi Ресейдiң қалдықтарын әкелiп, көмiп жатыр. Егер зияны жоқ болса, Ресей өз жерiне неге көмбейдi? Ресейдiң адам баласы баспайтын ормандары көп, сонда көмсiн. Келiсiне, грамына ақша төлеймiз дейдi. Ол ақшаның қайда кететiнi тағы белгiсiз. Болмаса, мұның зияны жоқ дейтiн шенеунiктер өз үйiнiң қасына көмсiн. Жалпы, уран өндiрген жердiң өзi жарамсыз, бүлiнген болып есептеледi. Кезiнде “Қазатомөнеркәсiптегiлер” “Шиелiде уранды залалсыздандырып өндiрiп жатырмыз”, — дедi. Ел-жұртты солай сендiрдi. Ал бүкiл дүниежүзiнiң ғалымдары оның залалын жою мүмкiн емес дейдi. Екi-үш жыл бұрын мен Қызылордаға бардым. Қаладан ары қарай Қазалыға дейiн әкiмшiлiктiң көлiгiмен бардым. Түнде шаршадық. Байқоңыр жарқырап көрiнiп тұр. Жүргiзушi жiгiтке осында тынығып алуды айтып: “Бұл жерде жылан, шаян жоқ па?” – деп сұрап едiм, ол күлiп: “Аға, бұл жерден олар әлдеқашан қашып кеткен, тек қазақтар ғана қалды”, — деген едi.

Ақтауда Қошқар ата деген кiшкене көлшiк бар. Күзде қайтып келе жатқан құстар түп-түзу ұшып келе жатып, сол көлге жақындағанда терiс бұрылып кетедi екен. Өйтпегендерi сол көлден бөлiнген уға тұншығып, құлап өледi. Қазақстанда 16 миллион ғана халық бар. Күндiз-түнi жұмыс iстеп, өнiм өндiрiп жатқан алып зауыттары, фабрикалары жоқ, сонда атом стансасының не қажеттiлiгi бар? Үкiмет басшылары атом электр стансасын жаңа технологиямен саламыз дейдi. Ал Қазақстанның ғылымы мен технологиясы Жапония елiнен озып кетiп пе? Бұл елде жарылыс болды емес пе? Бiзде Ресейдiң сүңгуiр қайықтарының реакторын салмақшы. Бiз Кеңес одағының отарында болдық, қазақ басшыларына құлдық сана сiңiп қалған. Оның iшiнде қылмыскер шенеунiктер де бар. Ал олардың қылмысы орыстардың қолында. Елiн-жерiн тонап, шетелге асырып жатқан басшылар бар. Соны жасырып, бүркемелеу үшiн Ресейдiң ығына жығылып, айтқанын iстеп АЭС салуға көнiп отыр.
Сәкен АЛДАШОВ, Павлодар облысының тұрғыны:
– Бiз тұрған ауыл Курчатов деген қаланың маңында орналасқан. Кезiнде Семейде жасалған полигон сынақтарының зардабы бiздердi де айналып өтпедi. Өзiмнiң екi балам кемтар туылып, шетiнедi. Қазiр екiншi немерем полигонның кесiрiнен “мәңгiлiк бала бейнеде” қалған кемтар. Қазiр жасы отыздан асса да, дене-тұрпаты жетiлмегендiктен, дәп бiр бес жасар бала сияқты. Ақыл-есi де кiресiлi-шығасылы. Ауа райы құбылып, маусым ауысқан шақтарда немеремнiң денсаулығы күрт нашарлап, әбiгерге түсемiз. Полигон сынақтары жүрген уақыттарда еш зияны болмайды деп сол тұстағы билiк сендiрiп едi бiздi. Бәрi өтiрiк! Улы заттың қаннан-қанға ауысып, радиацияның ұрпақтың денсаулығын құртатынына көзiмiз бүгiн анық жеттi. Сөйте тұрып, дұшпанға тiлемес сол нәубеттi тағы да қазақ даласына әкелу – ұлтқа жасалған қастандық дер едiм. Халықтың қарапайым ауызсу, таза ауа сияқты мәселелерiн шеше алмай отырған үкiметтегiлер АЭС салып, арзан энергиямен жарылқаймыз деуi – бос сөз. Ел болып Қазақстанның қай бұрышына да ешқандай атом электр стансасын салғызбауымыз керек. Билiктiң қитұрқы әрекеттерiне күнi бүгiнге дейiн бас шұлғумен келемiз. Бiрақ бұл жолы үнсiз қалсақ, ертеңiмiзге балта шабылатынын ұмытпайық.
Азат БАТАНҰЛЫ, қоғам белсендiсi:
– “Жас Алашта” атом электр стансасына қатысты материалды оқып, арнайы келдiм. АЭС салуға әрбiрiмiз қарсылық танытпасақ, қол қусырып отыра берсек, ертең тым кеш болады. Шенеунiк былай тұрсын, ауылдың қарапайым халқы да АЭС-тiң өте қауiптi екенiн жақсы бiледi. Атом стансасы түгiлi, кәдiмгi зауыт-фабрикалардың технологиясын жете меңгермеген бiздiң елде алда-жалда апат бола қалса, түгiмiз қалмайды. Жерiмiздiң астын бұрғылап, шұрық тесiкке айналдырған ресейлiктер аспанымызды зымыран ұшырып ластауда. Соны аз көргендей, ендi атом деген тажалдарын салса, бүтiндей мемлекеттi құртпай ма?
“Жас Алаштың” интернет сайтында да көптеген пiкiрлер жазылыпты. Солардың бiразын оқырман назарына ұсынуды жөн көрдiк.
***
Қазақстанды Ресей әу бастан түрлi сынақ пен лабороторияға айналдырып алған. Аузын қу шөппен сүрткен Ақордадағылар Кремльдiң алдында құлдық санасы сыр берiп, халқын кез келген жобаның жолында жығып бередi. Олар әуелi жайлап ши жүгiртiп көредi халық қалай қарар екен деп, егер ешкiм бас көтере қоймаса кетедi дәндеп. Қазақстан­ға екiншi Чернобыль керек емес. Үй-жайын шетелден салып алған шенеунiктерге қазақтың соры көк тиын.
***
Ағайындар, сөзден iске көшетiн кез емес пе, уақыт тапшы, бастамашыл топ құрылып шұғыл iске кiрiссiн, түрлi шаралар ұйымдастырсын. Бастысы Школьник-қаскөйдiң кетуiн талап ету қажет. Энергия қуаты жетпейдi дегендерi – сылтау. Қыруар қуат көздерiн қажет ететiн алып өндiрiс жоқ бiзде.
***
АЭС салдырмауға бүкiл ел болып қол жинайық. Ақтауда ғана емес, жалпы Қазақстанда салуға қарсы шығайық!
***
Қарсымын! АЭС – бұл өте қауiптi қару! Жалпы, Ақтау, Маңғыстау облысында қазақтар көп тұрады. Бұл – қазақтарды қыру үшiн жасалып жатқан билiктiң бiр әрекетi.
***
“Көп қорқытады,терең батырады” деген бар емес пе. Бүкiл халық жұдырықтай жұмылып,билiкке қарсы шықса,АЭС-тi салдырмауға болады ғой. Ол үшiн бiзге бiрiгу керек, ағайын!
Дайындаған Меруерт ХУСАИНОВА.
http://zhasalash.kz

Что происходит в Казахстане и мире? Объясняем на нашем YouTube-канале и в наших сообществах на Facebook. Подпишись, чтобы узнавать обо всём самым первым!

Рубрика: