Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

marataatazzhinn123Мемлекеттік хатшы Марат Тәжиннің төрағалығымен Шетелдерде кадрларды даярлау жөніндегі республикалық комиссияның отырысы өтті. 
Отырыста басымдық берілген мемлекеттік және салалық бағдарламалар үшін мемлекеттік қызметшілерді, ғылыми-педагогикалық, инженерлік және медициналық кадрларды нақтылы даярлаудың тетіктерін қамтамасыз ету жөніндегі мәселелер қаралды.

Жиынды ашқан Мемлекеттік хатшы Президенттің «Болашақ» бағдарламасы тәуелсіз Қазақстанға қажетті халықара­лық деңгейдегі мамандардың алғашқы буы­нын даярлаудағы өзінің маңызды міндетін орындағандығын мәлімдеді.

– Президенттік «Болашақ» бағдар­ла­масының 20 жылдығы тұсында қалыптас­қан, мемлекеттің алдына қойылған мін­деттерді екшей отырып, біз шетелдерде кадрлар даярлаудағы тәжірибені егжей-тегжейлі сараптап, топтастыруымыз қажет, – деді М.Тәжин. – Шетелдерден оралған стипендиаттардың бүгінгі күш-жігері олар­ға жұмсалған шығынның орнын толтырып, артылған үмітті толығымен ақтауы тиіс! Сон­дықтан да шетелдердің жетекші жо­ға­ры оқу орындарында білім алуға баратын әр­бір үміткердің оқуға деген әлеуеттері мен мүм­кіндіктерін тиянақты зерделеуіміз қажет. Марат Тәжин дарынды жастарды ірік­­теу объективті әрі қатаң түрде өтуге тиісті­гін нықтады. Мемлекеттік хатшы: «Бізге екпін­ді толқын керек!» деді.
Комиссия мүшелері Білім және ғылым министрі Бақытжан Жұмағұловтың баяндамасын тыңдады. Министр өз сөзінде байқауға қатысудың қолжетімділігін ке­ңейту, өңірлік және әлеуметтік теңге­рім­сіздікті төмендету мақсатында конкурстық рәсімдер бүкіл жыл бойы жүргізілетінін атап өтті. Білім саласы басшысының пі­кірін­ше, аталған шара конкурсқа қатысу­­ды мейлін­ше жеңілдетіп, өткізу мерзімдері мен үміткер­лердің оқу кезеңін нақты жоспар­лауға мүмкіндік туғызады.
Үстіміздегі жылы шетелдерде білім алуға үміттілер арасында «Білім беру және тәрбие берудің теориясы мен әдістері», «Пе­дагогикалық диагностика, білім беруді бағалау және сапасын басқару», «Көлік, көліктік техника және технологиялары» сияқты мамандықтар елеулі сұранысқа ие болды.
2013 жылға жалпы саны 1093 стипендия бөлінді.

http://www.aikyn.kz

 

Рубрика: