Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

040661333Астана. 1 тамыз. Baq.kz – Қазақстан Республикасының Бас прокуратурасы БТА Банктің экс-басшысы Мұхтар Әблязовтың ұсталғанын растады, деп хабарлайды ҚР Бас прокуратурасы. 

«Ағымдағы жылдың 31 шілдесінде Интерполдың Франциядағы бюросы М.Әблязовтың Францияда ұсталғанын хабарлаған болатын. Әзірге бұл туралы нақты ақпаратты француздар жарияламай отыр. Ақпарат түскен бойда Бас прокуратура хабарлайды», — делінген хабарламада.

Бұдан бұрын БАҚ беттерінде М.Әблязов Францияның Канн қаласында ұсталғандығы туралы ақпарат жарияланған болатын. Марсельдегі аймақтық сот полициясы қызметінің ресми өкілі бұл ақпаратты растады.

Әблязовке БТА Банктен 6 млрд. доллар ұрлады деген айыппен іздеу жарияланған болатын. Бұл іс банк ісі тарихындағы алаяқтықпен байланысты ең ірі әрі ауыр қылмыстардың қатарында. Әблязовке қатысты Ресейде де қылмыстық іс қозғалған.

«Экс-банкир мен оның сыбайластырының қызметіне қатысты Кипр, Венгрия және Латвия құқық қорғау органдары да қылмыстық тергеу жүргізіп жатыр. Ирландия және Финляндияның өкілетті органдары Әблязовпен қызметтес жергілікті компаниялардың қызметін тексеруге алды», — дейді Бас прокуратураның баспасөз қызметі.

 

http://www.baq.kz/kk/news/33283

 

Рубрика: