Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Бүгін Қазақстанның Байқоңыр ғарыш айлағынан «Прогресс М-25М» жүк кемесін тіркеген «Союз-2.1а» жаңартылған зымыран тасығышы ұшырылды. Бұл туралы Ресейдің «Роскосмос» ғарыш агенттігі хабарлады.

Астана уақыты бойынша 13 сағат 49 минутта ұшырылған кемеде халықаралық ғарыш станциясындағы ғарышкерлерге арналған оттегі, азық-түлік, отын және ғылыми-зерттеу жұмыстарына қажетті заттар бар.

«Прогресс М-25М» кемесі халықаралық ғарыш станциясымен Астана уақыты бойынша 18 сағат 9 минутта түйіседі деп жоспарланған.

Өткен түні АҚШ-тың Вирджиния штатындағы ғарыш айлағынан ұшырылған Antares зымыраны жерден көтеріле береапатқа ұшырап, жарылып кеткен еді. Америкалық жекеменшік Orbital Science фирмасы жасап шығарған зымыран халықаралық ғарыш станциясына жүк жеткізуі тиіс болған.

http://www.azattyq.org/archive/news/latest/330/330.html?id=26664150

Рубрика: