Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

скачанные файлыБүгінгі процесте «Металлургия-Металл өңдеу» индустриалық паркі­нің инженер-сметашысы Елена Гряз­новадан куәгер ретінде жауап алын­ды. Ол Қарағанды индустриялық паркінің аумағында инфрақұрылым­дық нысандар салу оқиғасы бойынша бірқатар былықтардың бетін ашты.

Оның айтуынша, шаруашылық-тұрмыстық суағарларды тазалайтын стансаның құрылысына алғашында «Центрстрой-комплект НС» ЖШС-ның қызметкері Оразалы Айменбетов жетекшілік еткен. Ке­йінірек, ол «Металлургия-Металл өңдеу» индустриялық паркінің директорының орынбасары болып тағайындалады. 

– 2011 жылдың қазан айында О. Айменбетов осы қызметке таға­йындалған соң мен актілерді қабыл­дау және тексеру шараларына қа­тыс­қан жоқпын. Оның себебі құрылыстың бас мердігері «ҚазГер­Құрылыс» ЖШС-дан ірі-ірі ұсы­ныс­тар бойынша ғана актілер келіп жатты. Стансаның құрылысы мем­лекеттік экспертизадан өтпеген, бас жобалаушы «Сәулет» ЖШС-ы мақұлдамаған, тіпті тапсырыс бе­руші «Металлургия-Металл өң­деу» индустриялық паркі» ЖШС-мен келісілмеген, өзгертілген жоба бойынша жүргізілді. Өз басым мемлекеттік сараптамадан толық өтпеген, сметалық және жобалық құ­жаттары жоқ нысан бойынша іс­телген жұмыстардың көлемін қа­былдау және оның құнын анық­тау дегенді түсінбеймін, – деді Е. Гряз­нова. 
2013 жылдың жазынан бастап О.Айменбетов оған «Eco-treatment systems» ЖШС-ы және «ПКБ Кас­кад» ЖШС-ы әзірлеген сметалық құжаттар мен прайс-парақшалар жинақталған тігілген кітапшаларды бірнеше рет тексерткен. Тексеру ба­рысында техникалық түзету, коэф­фициент, бағалауды қолдануға, сондай-ақ технологиялық жабдық­тың жалпы құнына қатысты кем­ші­ліктерді байқайды. Баламалы жаб­дықтардың прайс-парақшалары жинақталған кітапша дұрыс тол­тырылмағанын, негізгі жабдықты таңдауға қатысты хаттаманың жоқ­тығын көреді. Сонымен қатар жаб­дықтардың құны өзгеріп, прайс-парақшалардың шынайылығы көп күдік туғызады. Жобаны жасаған тарап кемшіліктерді қанша рет түзеткенімен, нысанның құнын 2,5 млрд теңге дегенді өзгертусіз қал­дырып отырған. 
Елена Грязнованың айтуынша, оған О.Айменбетов берген смета­лық құжаттардың арасында техно­логиялық жабдықтарға жалғыз ғана «Sapa Project Group» ЖШС-ның 1,6 млрд теңгеге есептелген прайс-парақшасы болған. «Құрылысқа қажетті жобалық құжаттар жасау, келісу, бекіту және оның құрамы­ның тәртібіне» сәйкес, технология­лық жабдықтарға кем дегенде екі жет­кізу­шінің прайс-парақшасы болуы міндетті. Осыған орай, ин­женер-сметашы фирманың бас­шылығын хабардар етіп, қызметтік хат та жазған. 2014 жылдың 6 қаза­нында қылмыстық істі тергеу ба­рысында куәгер Елена Грязнова мынадай түсінік беріпті: «Мәселен, жабдық­тар­дың бағасына қатысты ұсы­ныстар берген фирманы тек­сермек болып, «Акситех-Қазақ­стан» ЖШС-ның прайсында көр­сетілген орындаушы М. Цхайға хабарластым. Бірақ ол стансаны бағдарламалық жағынан қамта­ма­сыз етуге жұмса­лады деп көрсетілген 1999 млн тең­генің прайс-парақ­ша­сын толтыр­мағанын айтты. Сон­дықтан жоба­лық құжаттамадағы жабдық­тардың құнына сметашылар енгіз­ген прайс-парақшалардың қалғаны да күдік туғызады».
Әмина БӘКІР

http://aikyn.kz/

Рубрика: