Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

aeeАстана тұрғынының саны 2013 жылдың 1 сәуірінде 785 716 адам болды. Оның ішінде Алматы ауданында — 363 990 (46,3%), Есіл ауданында -105 170 (13,4%), Сарыарқа ауданында — 316 556 (40,3%) адам тұрады, деп хабарлайды қалалық Статистика басқармасы.

2013 жылдың алғашқы айымен салыстырғанда елорда тұрғынының саны 7476 адамға өскен. Оның ішінде Алматы ауданы бойынша — 255, Есіл ауданында — 2427, Сарыарқа ауданында — 4794 азаматқа артты. Бір атап көрсетерлігі, үш айда Астанада халықтың табиғи өсімі — 4092 адам, көші-қон өсімі — 3384 адам болды.

astana.kz сайтының жазуынша, өткен жылдың  қаңтар-наурыз айларымен салыстырғанда халық саны 12,8%-ға өсіп, 4092 адамды құрады.

«2013 жылдың қаңтар-наурыз айларында Астана қаласында дүниеге келген 4978 сәби тіркелсе, бұл өткен жылдан 10,4% өскенін айқындайды. Осы уақыт аралығында қалада 886 адам өмірден озған. Бұл 2012 жылдың қаңтар-наурыз айымен салыстырғанда 0,5% артық»,-деп хабарлайды ведомство.

Қаңтар-наурыз айларында 1 жасқа дейінгі шетінеген 43 сәби тіркелсе, бұл 2012 жылмен салыстырғанда 11 жағдайға кем. Бір жасқа дейінгі сәбилердің өлім коэффициенті 1000 балаға шаққанда 8,64 ( 2012 жылдың қаңтар-наурыз айларында 11,97) болды.

Тұрғындар арасындағы өлімнің негізгі себептердің бірі — бұрынғысынша қан айналымының бұзылуы ауруы — 39,0%, басқа да аурулар — 17,5%, тосын оқиғалар мен улану және жарақат алу — 14,6%.

2013 жылғы қаңтар-наурыз айларында  некеге тұру үшін АХАТ органдарына тіркелгендер саны өткен жылдың осы кезеңімен салыстырғанда 10,8%, айырылысқандар саны — 5,2% өскен.

Қазақпарат

Рубрика: