Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Жыл сайын елімізде анимациялық фильмдер түсіруге 100 миллион теңге бөлінеді. Бұл жөнінде Мәдениет және ақпарат министрлігінің жауапты хатшысы Жанна Құрманғалиева мә­лім­деді. Қазақ баласының Шрэк пен Мада­гас­карға телмірмей, таза қазақы өнім­ге бет бұратын кезі жетті. Бұл күнде жас ұрпақтың санасына оңтайлы әсер етіп, тәрбие беруде анимациялық фи­льм­дердің алар орны ерекше. Жуырда ғана елімізде тұңғыш рет «Ертөстік пен ай­даһар» атты толықметражды ани­ма­циялық фильм түсіріліп, жұртшы­лық­тың ықыласына бөленді. Айта кету ке­рек, аталмыш картинаны түсіруге 1,2 миллион доллар көлемінде қаржы жұм­салған. Бұдан былай жыл сайын анима­циялық фильмдердің саны арта түспек.

Әр жыл сайын еліміздегі анима­ция­лық фильмдердің қатарын толықты­руға 100 миллион теңге көлемінде қаржы бөлінеді екен. Депутат Алдан Смайыл өткен Парламент отырысында анимациялық фильмдерге жұмсалар қаржының көлемін арттыру керек­ті­-гін тілге тиек етті. Депутаттың айтуын­ша, анимациялық фильм – бүгінде идеологиялық тұрғыда аса маңызды мә­селе. Сондықтан мұндай мәселеге тиі­сінше деңгейде көңіл бөлінуі тиіс. Ресейде анимациялық студияларға жылына 300 миллион доллар бөлінеді екен. Бүгінде тілі былдырлап шыққан балғындардың көңілін баураған «Маша и медведь» атты анимациялық топтама бөлінген қаражаттың жарқын жемісі болса керек. «Маша и медведь» секілді туындыны отандық аниматорлар да жа­рыққа шығара алады. Бастысы, би­ліктен көңіл бөлінді, енді қазақ баласы өзгенің өнімінен отандық өнімді биік қояды деген сенім мол.

 

http://www.aikyn.kz

Рубрика: