Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Алматы. 3 сәуір. Baq.kz Алматыда үндінің классикалық билерінің кеші өтеді. Би өнерінің халықара­лық күніне арналған шараға Үндістаннан катхак биінің танымал шеберлері келеді. 

 

Үндістанның Қазақстандағы елшілігі жә­не Алматы қаласы мәдениет басқарма­сы­ның қолдауымен өтетін шара Қазақстан мен Үндістан Республикасы арасындағы мәдени-гуманитарлық байланыстарды ны­ғайтуды көздейді. Би өнеріне арналған концерт сәуірдің 6-сы күні Жамбыл атын­да­ғы Қазақ мемлекеттік филармониясының залында сағат 18:00-де өтеді. Концертке әлемге әйгілі бишілер Пандит Раджендра Гангани мен Свати Синха және Алматы қа­ла­сындағы Үнді классикалық биі орталы­ғының өнерпаздары қатысады. Бағдар­лама үнді халқының рухани мәдениетінен, гуманизмінен, оптимизмге толы өмірінен мағлұмат береді. Гангани – үнді халқының классикалық биінің бір стилі – катхакты да­мытып, дүниежүзі бойынша кәсіби кат­хакшылар тәрбиелеп жүрген гуру. Ол биші ғана емес, орындаушы, композитор, музыкант та. Ал Синха – Ганганидің шәкір­ті, өзіндік стилі қалыптастқан шебер. Ал­ма­тыдағы Үнді классикалық биі орталығы – Орталық Азиядағы үнді биін насихат­тайтын тұңғыш әрі жалғыз халықаралық ұйым. Жетекшісі – хореограф, ЮНЕСКО жа­нындағы Халықаралық би кеңесінің мү­шесі, ҚР мәдениет қайраткері Ақмарал Қай­назарова.

Автор: Болатбек МҰХТАРОВ

Алаш айнасы

Рубрика: