Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Алматы. 10 сәуір. Baq.kz Алматыда 26-27 сәуір күндері Internet Avenue 2013 тұңғыш халықаралық интернет-көрме өтеді, деп хабарлайды afisha.kz

«Екі күн бойы халықаралық форматтағы ІТ индустрияның басты мәселелері көтеріледі. Интернет-көрмеге әлемнің 20-дан астам елінен келген өкілдердің жобалары қатысады», – делінген хабарламада.

Retail avenue бөліміндегі бір алаңда интернет-дүкендер, көтерме саудамен айналысушылар, жабдықтаушы компаниялар және интернет-дүкендерге қызмет ұсынатын логистикалық компаниялар сынды ритейлге қатысушылары кездеспек. Көрмеде, сондай-ақ «Ритейл: Жаңа толқын – 2013» халықаралық байқауының тұсаукесері, қазақстандық және ресейлік блогерлердің дискуссиясы мен компания ұсынған мастер-класс өтеді.

Көрменің B2B IT Avenue бөлігінде веб-әзірлеушілер, жарнама агенттіктеріғ бизнес өкілдері мен сала сарапшылары болмақ. Start-ups + Invest Avenue бөлігі интернет-жобаға қатысушыларға әлеуетті инвесторлармен кездесуге мүмкіндік береді.

Болгария, Ресей, Украина, Түркия, Беларусь, Германия, Италия, Қытай, Австрия және Қырғызстан мемлекеттерінің өкілдері көрмеге қатысатындарын растады.

Bnews.kz

Рубрика: