Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

5a8aa42a5bef87361280d3ccda0ba656Нұрғиса ЕЛЕУБЕКОВ (фото)

Жаңа оқу жылы жақындаған сайын мектептің төңірегінде қарбалас көбейеді. Жұрттың әдетте баласын 1-сыныпқа беру үшін мектеп іздеп қиналатыны белгілі, ал қызылжарлық кейбір ата-аналар болса тоғыз жыл оқып келген білім ордасы ұл-қыздарын қабылдамай қоя ма деп қорқып отыр. Үлгерімі төмен оқушыларды ұлттық бірыңғай тестілеуге кіргізбеу соңғы жылдары белең алып келеді. Мектептің беделіне кір келтіреді деген желеумен 9-сыныптан кейін топырлатып колледждерге жіберу үрдісі биыл да орын алды. Бірақ бұл жолы ата-аналар балалардың құқығына қол сұққан ұстаздар қауымымен келісе қоймады.

Қызылжарда мектеп оқушылары мен ұс­таздар арасында араздық туды. Қаладағы №4 мектептің 9-сыныбында оқитын оқушы­лардың ата-аналары шарасыздықтан көшеге шықты. Айтуларынша, мұғалімдер 9-сыныпты бітірген бірқатар оқушыға мектептен кетіп, колледжге түсуге «кеңес» берген екен. Ұлттық бірыңғай тестілеуде қажет ұпайды жинай алмайтын­дарын айтып, тезірек табандарын жалтыратуды өтінген.

Ал ақылы оқуды қалтасы көтермейтіндер енді не істерін білмей дал. Баласын ақылы кол­леджде оқыта алмайтындардың бірі – Наталья Похумова. Оның қызы Элизаветта Қызыл­жардағы №4 орта мектепте оқиды. Биыл 9-сы­ныпты аяқтапты. Арманы – 11-сыныпты біті­рісі­мен дәрігерлік оқуға түсу. Алайда оған ме­­­ди­циналық академияға түсу түгіл, мектепті бітіріп шығу қиынға соғайын деп тұр. Жаңа оқу жылының басталуына санаулы күндер қал­ғанда білім беру мекемесі аяқастынан ата-аналар жиналысын өткізген. Наталья Поху­мованың айтуынша, жиналыс барысында мұғалімдер оқушылардың құжаттарын алып кету туралы талап қойыпты.

Наталья ПОХУМОВА, ата-ана:

– Балам жиналысқа кіргенде мұғалімдер «сен ары қарай оқи алмайсың» деп бірден бас салған. «Сенің үлгерімің нашар, 10-11 сы­ныпты оқи алмайсың, қалсаң, оқу­ың­ды одан сайын қиындатып жібе­реміз» деп қоқан-лоқы көрсеткенін естідім. Бұған қоса, «дәл қазір бар да, кол­леджге түс» деп бұйырыпты. Ал біз мек­тепте қаламыз деп шештік. Бірақ ұстаз­дардың бұл қылығынан кейін баламның енді оқуға ынтасы да жоқ.

Ата-аналардың айтуынша, ұстаздар­дың бұл озбырлығына шыдамаған кей балалар білім ордасынан құжаттарын алып та үлгеріпті, бүгінде ақысы арзандау деген колледждерді жағалап жүр. Ал айлықтары шайлықтарына онсыз да әрең жетіп жүрген ата-аналар балаларын енді қайда оқытатындарын білмей шырылдап отыр.

Оксана КОВИХОВА, ата-ана:

– Мен жиналысқа келгенде мұға­лім­дер маған бірден «балаң оқуды жал­ғастыра алмайды» деді. Біз олар­дың оқуға кедергі келтіреміз, құжаттарың­ды алып, басқа жерге түсіңдер деген сы­ңай танытты. Енді не істерімізді білмей отырмыз. Бүкіл жерде қымбат. Енді Борки кентіндегі колледжге түсіп көре­міз. Уақыт та аз қалды.

Ал мектеп басшылары болса балаларға еш қысым көрсетілмегенін айтып, ат-тон­дарын ала қашты. Орта мектепті бітірмеген бала бірден жоғары оқу орнына түсе ал­майды. Ал колледждің дипломымен жұ­мыс беруші кез келген қызметке қабылдай бермейді. Сондықтан ертеңін ойлаған оқушы шамасы жеткенше орта білім алып шыққысы келеді. Және Ұлттық бірыңғай тестілеуге қатысу-қатыспау мәселесі тек оқушының қалауымен ғана шешіледі. Мұғалімдердің араласуына тыйым салынған.

Ғафура БӨСТЕКОВА, мектеп директоры:

–10-сыныпқа қабылдамау жайын­да менің өз атымнан еш бұйрық болған жоқ. Сондықтан бүгін оқығысы келген барлық балалар 10-сыныпқа қабылда­нады. Жиналыс жайында мен айта ал­маймын. Өйткені мен болған жоқпын. Мүмкін, мұғалімдердің өздері жасап жүрген жұмыс шығар. Бірақ мен өзім ол жұмыс туралы білмеймін.

Нәзия БАЙБЕКОВА, мектеп мұғалімі:

– Біз балаларға қысым көрсеткен жоқпыз. Жиналыста тек олардың қай­да оқуға түскендері мен жұмысқа тұр­ғандары жайлы сұрап білдік. Негізінен, 9-сыныпта 65 бала оқыды. Әзірге 28-і ғана қалды. Яғни 10-сыныпта бір-ақ сынып болады. Сәйкесінше, біздің сағат­тарымыз азаяды. Балалардың кеткені бізге тиімсіз болып тұр.

Мектептердің білім деңгейін Ұлттық бірыңғай тестілеудің нәтижесі бойынша бағалау басталғалы ұстаздар мен ата-ана­лар арасындағы мұндай дау-жанжал бір үзілген емес. Еліміздің кез келген қала­сындағы немесе ауылындағы мектепте осындай жағдай. Көбі жұртқа жария бола бермейді. Әйтпесе ұстаздар қолдарынан келгенше балаларды 10-11-сыныптарға қалдырмауға тырысатыны белгілі. Сон­дықтан мектептердің білім деңгейін баға­лауда тестілеуден басқа естілеу бірдеңе ойлап тапқан жөн болар. Бала білімсіз болып тумайды, сол себепті оны сабағың нашар деп кеудеден итергенше, тоғыз жыл бойы дұрыстап білім беру қажет еді.

Автор: Ербақыт АМАНТАЙҰЛЫ, Қызылжар

http://alashainasy.kz/politics/45319/

 

Рубрика: