Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

1 долларға әлемнің әр елінде не сатып алуға болады? Сөйтсек, «балық педикюрінен» бастап 40 бөдене жұмыртқасына дейінгі аралықта өте-мөте көп нәрсе сатып алуға болады екен.

Камбоджа: «бақытты сағаттар» (Happy Hour) саналатын құйып сатылатын сыра немесе зімбір (имбир) өсімдігі қосылған отқа қақталған құрбақа, қытырлап тұрған қуырылған өрмекші, 20 минут «балық педикюрі», 4 литр ауыз су, Ангкор-Ватадан теркөйлек (майка) (әрине, ар жағында шамалы тиын қосып жақсысын алуға болады), екі бөтелке «Кока-Кола», елу грамм дат сыры. Сонымен қатар, 1 долларға кір жуатын орталыққа бір келі киімдеріңізді алып бара аласыз.

Аустрия, Вена: «Kornspitz» тоқаш наны.

Филиппин: жарты сағат аяқ массажы, қуырылған ұсақ балықтар, шашты қысқартып алу, 28 «Мальборо» темекісі, «7Eleven» кофесі, «AA» тұрпатты 3 батарейка, екі сағат интернет, «Mr. Donut» дөңгелек бүйрегі (пончик), 2 сағат таксиде жол жүру, 4 литр ауыз су мен табақ-табақ палау.

Испания: Канар аралдарында, оның ішінде Тенерифеде 1 долларға бір шыныаяқ кофе келеді.

Вьетнам: бір күн бойына велосипед жалдау, сүтпен екі шыныаяқ кофе, «Mobifone» симкасымен 15 минут әңгімелесу, «Фо сорпасы, кішкене көлемде кір жуу, 250 грамм қантталған зімбір, 40 бөдене жұмыртқасы, 1 вьетнам қалпағы, бір-екі газет, 1 DVD, 7 литр ауыз су, «Halida» сырасының екі шөлмегі, 1,25 л бензин.

Ұлыбритания: жарты литр бензин, екі темекі (екі пар), 3 алма, газет.

Хорватия: үлкен мөлшердегі балмұздақ.

Дания: бір литр сүт, ашық хатқа арналған маркалар.

Венгрия:  Будапеште 1 долларға 1 балмұздақ немесе  4 кішкене алма немесе 1 гамбургер немесе 1 газет немесе ескі қалада жарыт сағатқа автокөлік (парковка) қоюға болады.

Түркия: автобусқа билет, «Кока-Кола» банкасы, сендвич, бір құты шай, екі-үш газет, бір келі апельсин немесе алма, жарты келі банан, екі бөтелке су ( 0,5 литрлік), екі сопақ нан (батон).

Италия: бір шиша арзан вино немесе 1 келі спагетти немесе 6 бөтелке минералды су немесе бір «ибупрофен» таблеткасы (арзан виноның бас ауыртуын қойдырады).

Колумбия: бір құтыаяқ шай мен бірнеше тәтті тоқаш нан.

Оңтүстік Корея:  Сеулде 1 долларға автобуста немесе метрода серуендеуге болады.

Таиланд: бұл елде біршама нәрсе келеді (бір литр бензиннен бастап бірнеше бөтелке ауыз суға дейін).

Египет: үлкен мөлшерде «koshary plate» (құрамы: күріш, макарон, шыжғырылған жуа, жасымық, бүйрек нан мен фаляфель) асы.

Үндістан:  Колькатте қаласында 1 долларға тыңқиып тойып алуға болады.

Коста-Рика: папайя, ананас немесе қарбыз.

Аустралия: көп ақша ұтуға мүмкіндік сыйлайтын лотерея билеті.

Иордания: майға қуырылған картоп немесе кофемашинаның екі құтыаяқ кофесі.

АҚШ: Лос-Анджелесте 1 долларға «Blue Bus»-пен қыдыруға немесе көлікті тұрақта тастап кетуге болады.

Никарагуа: бір бөтелке сыра.

Аргентина: тәтті тоқаш жеуге болады.

Индонезия:  Манадода көгөніс пен күріш қосылған қуырылған тауық етіне тойып алуға болады.

Бір сөзбен айтқанда, 1 долармен Вьетнам, Таиланд, Филиппин секілді елдерге барған дұрыс. Ал біздің елде 1 долларға не келеді?

сурет:nasha.lv

Дайындаған: Фараби Арыстанбек

 

http://massaget.kz

Рубрика: