Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

Александр Гольцман отбасымен

Отандық күрес жанкүйерлеріне Александр Гольцманның есімі жақсы таныс. Еркін күрестен жасөспірімдер мен жастар арасында біраз белесті бағындырған ол бүгінде бапкерлікке бет бұрған Болашақ чемпиондарды дайындауға білек сыбана кіріскен Александр қазақ тілінде таза сөйлейді.

KAZ.NUR.KZ тілшісіне сұхбат берген спортшы әрі бапкер өмірдегі басты арманын атап, кілемнен неге кеткенін және қазақ тілін қалай тез үйренгенін айтты. Александр Гольцман 1994 жылы Алматы облысы Ақсу ауданына қарасты Ілияс Жансүгіров ауылында дүниеге келген. Әкесі неміс, анасы орыс ұлтының өкілі. Ата-анасы шымыр болып өссін деген мақсатпен Александрды алты жасында күреске баули бастаған. «Біздің ауылымызда немістер мен гректер көп тұратын. Ал көршілеріміздің барлығы да қазақтар болатын. Бір-бірімізбен тату-тәтті өмір сүрдік. Әкем әлі күнге дейін қант зауытында жұмыс істейді. Анам мектепте мұғалім, оқу ісінің меңгерушісі. Менен бөлек, екі әпкем бар. Бірер жыл бұрын үйленіп, қызды болдым. Ал спорттағы жолым ауылдағы кішкентай үйірмеден басталды.

 
 
 
 
 
Посмотреть эту публикацию в Instagram
 
 
 
 
 
 
 
 
 
 
 

Публикация от kaz_wrestling_mode (@kaz_wrestling_mode)

Алты жасымда күреске келдім, әлі күнге дейін күреспен өмір сүріп келемін. Ең алғаш рет 19 келіде бақ сынадым», — дейді балуан. Александр Гольцман шәкірттерімен: жеке мұрағат Жас спортшыны одан әрі шыңдау мақсатында бапкерлер Александрді Алматыдағы мектеп-интернатқа жібереді.

Бұл оның өміріндегі үлкен белестердің бастамасы еді.

«Жетінші сыныпта «Шаңырақтағы» спорт-интернатқа ауыстым. Осы жақта кәсіби спортшы боламын деген ойым нығая түсті. Сондай-ақ, интернатта қазақ тілін жетік меңгеріп алдым. Ауылда жүргенде де жақсы түсінетін едім. Мұнда келген соң қазақша таза сөйлейтін болдым. Өйткені, ағайларымның бәрі маған қазақ тілінде сөйлейтін. Қасымдағы елу баланың 49-ы қазақ балуандары еді. Сондықтан, мен тілді тез әрі оңай үйреніп алдым. Отбасымда қазақшаны таза сөйлейтін мен ғана. Әкем түсінеді, бірақ сөйлей алмайды. Жалпы, қазақ тілін үйренем деушілер үшін еш кедергі жоқ. Жазып-сызудан гөрі, тәжірибе жүзінде үйренген жеңіл. Барлығына осыны айтып жүремін», — дейді Александр. Александр Гольцман жастар мен жасөспірімдер арасында көптеген жүлделі орын алған.

Алайда, иығындағы жарақаты сыр берген соң, кәсіби спорттан қол үзіп, бапкерлікке кіріседі. «Иығымдағы жарақатым ойнамалы болып кетті. Сондықтан, денсаулығыма байланысты кілемнен кеттім. Әйтпесе, жасөспірімдер арасында Азия чемпионы атанып, әлем біріншілігіне де қатысқам. Алғашында дене шынықтырудан сабақ беріп жүрдім. Бірақ күрестен алыстап кету қиын екен. Кілем өзіне тарта берді. Оның үстіне, елімізде еркін күрестен әлем және Олимпиада чемпиондары жоқ.

Балуан ретінде жетпеген мақсатыма бапкер ретінде жетейін деген оймен, жаттықтырушылық қызметке кірістім. Зал іздеп, достарымның көмегімен спорт клубын аштық. Бүгінде жас балуандарды жаттықтырамын. Болашақта еліміздің байрағын ең биіктен көтеретін чемпиондарды дайындағым келеді. Қандай да бір пайда үшін бапкер болып жүргем жоқ. Менің арманым – Қазақстаннан еркін күрес бойынша әлем және Олимпиада чемпиондарын шығару», — деді Гольцман.

kaz.nur.kz

 

Рубрика: