Sorry, this entry is only available in Казахский For the sake of viewer convenience, the content is shown below in the alternative language. You may click the link to switch the active language.

 

Қазақ қыздарына жаным ашиды, әсіресе шетелдікке тұрмысқа шыққан. Өткен аптада ақтөбелік бір келіншек звандап көмек сұрады. Түрікке тұрмысқа шыққан, екі баласы бар, енді ажырасу үстінде. Сөйтсе, әлгі түрік келіншектің өз ақшасына келген дүниеге иелік еткісі келіп сотқа беріпті.

Арасында неке келісім шарты болса да Қазақстанның сыбайлас сотын сатып аламын деп ойласа керек. Кей адвокаттардың ақшаға арын сатқаны сонша, байғұс қызға келісе сал деп «ақыл» айтыпты. Содан таныстарды іздеп, халықаралық құқық бойынша, еліміздің неке және ажырасу бойынша мықты адвокатты тауып сөйлестірдім. Көзіміздің ашылғаны сонша, ақша үшін өз азаматын, аяулы қарындасын сатып жіберуге дейін баратын адвокаттар бар екеніне қаным қарайды.
Ал, біздің қазақ қыздарына келетін болсам, шетінен пысық, нантабар, бір емес бірнеше отбасыны асырай алатын алғырлығына риза болдым. Бірақ, махаббат деп сеніп қалмау үшін өте білімді болу керек. Түрік түгіл, жалпы қазаққа тұрмысқа шықсаң да сақ болу керек. Себебі, сүйем-күйем деген адамның бір сәтте-ақ өзгеруі мүмкін.
Ал, төмендегі дүниелерді біліп жүрген жөн:
— егер тұрмысқа шығар алдында дүние-мүлкіңіз болса, ол дүниеге жарыңыз үлес ала алмайды;
— неке қиған соң ортақ мүлікті өз қаржыңызға алсаңыз, міндетті түрде неке шартын нотариуспен жасаңыз, немесе дүниені ата-анаңыздың не бауырыңыздың атына жаздырып қойыңыз;
— дәм-тұзыңыз жараспай ақыры ажырассаңыз, арада 1-2 бала болса, келіншек 50% түгілі 70% мүлікті иелік етуге сотқа бере алады;
— егер балаңыз 3 жасқа келмей ажырассаңыз сіз алиментті тек балаға емес, өзіңізге де талап ете аласыз, себебі сіз бала күтіміне байланысты үйдесіз;
— сосын құқықтық кеңес алғанда бірнеше адвокат пен заңгерге жүгінгеніңіз дұрыс;
Арамызда тәжірибелі заңгер, адвокаттар болса өз кеңестерін қоса отырса. Бұл оқиғада бәрі жақсы аяқталады деп үміттеніп отырмын.

alashainasy.kz

Рубрика: