Sorry, this entry is only available in Kazakh. For the sake of viewer convenience, the content is shown below in the alternative language. You may click the link to switch the active language.

Бұл туралы Caravan.kz медиа порталы хабарлайды.  

Мият Кәкішбай есімді желі оқырманы фейзбуктағы парақшада төмендегідей ақпаратпен бөлісті:

“Мені таңғалдырған тағы бір жайт. Наурыз мерекесіне орай Шымкетте МузАрт тобының да концерті өтіпті. Бюджет қаржысына.

“Мейлі, өте берсін. Салық төлеуші халық. Ал МузАрт тобы – халықтың сүйіктісі” дейтін шығарсыздар. Мәселе ода емес. Ол концертті өткізуге тапсырыс беруші мекеме – Шымкент қалалық мәдениет үйін МузАрт тобының әншісі Сәкен Майғазиев басқаратыны белгілі. МузАрт концерті үшін жасалған 30 миллиондық келісім шартқа да Майғазиевтың өзі қол қойған. Порталда тұр.

Елімізде Сыбайлас жемқорлыққа қарсы іс-қимыл туралы заң бар. Соның 15-бабында мүдделер қақтығысы жайлы айтылған. Ал мен бұл жоғарыдағы келісім шарттан мүдделер қақтығысын байқап отырмын. Сәкен Майғазиев өзі ән айтатын топтың концертін өткізу үшін өз басқаратын мекемеден ақша бөліп отыр. Өзі сол концертте өнер көрсеткені тағы бар. Заңгерлер не дейді екен бұл туралы, мүдделер қақтығысы байқала ма?

P.S. Сәкен Майғазиев – біраз жылдан бері халыққа танымал әнші. Біраз адамның алдында беделі де бар шығар бәлкім. Ол кісіде кетен еш есем жоқ. Керісінше, МузАрт тобының көп әнін сүйіп тыңдаймын. Майғазиевтың байлығын да, беделін де қызғанбаймын. Бірнеше күннен бері жазбама арқау болғаны рас. Алайда мен ол кісінің жеке басына қатысты ештеңе жазған жоқпын. Жалпы ешкімнің жеке басында шаруам жоқ. Алайда заң деген нәрсе бәрімізге ортақ еді ғой. (Өтірік айтам, Нұрсұлтан Назарбаевқа кей заңдар жүрмейді). Сондықтан да Сәкен мырза өзі қол қойған келісім шарттардағы әрбір тиын үшін жауап беруге тиіс.

Екінші P.S. адамның жеке басын қаралайтын, балағат, ғадауат сөздер жазбаңыздар. Өшіріп тастаймын”, деп жазды. 

Рубрика: