[:kz]
Кеше, 10 мамырдағы ресми іс-шаралардың соңында Қазақстан мен Түркия президенттері үстел теннисін ойнады. Фотоларды мемлекет басшысы Қасым-Жомарт Тоқаевтың баспасөз қызметі Telegram-каналында жариялады. Суреттерде Қасым-Жомарт Тоқаев пен Режеп Тайип Ердоғанның үстел теннисін ойнап жатқаны бейнеленген.
Фото: Қазақстан президентінің баспасөз қызметі Айта кетейік, кеше, 10 мамырда мемлекет басшысы Қасым-Жомарт Тоқаев Түркия президенті Режеп Тайип Ердоғанның шақыруымен Түркия Республикасына мемлекеттік сапармен барды. Оның Түркия Республикасына мемлекеттік сапары Түркияның негізін қалаушы әрі тұңғыш президенті Мұстафа Кемал Ататүріктің рухына тағзым етуден басталды.
Кейінірек Қасым-Жомарт Тоқаев пен Режеп Тайип Ердоған БАҚ өкілдеріне брифинг өткізді.
[:]
